32°C-қа дейін ысиды: Алдағы үш күн ауа райы құбылмалы болады

"Қазгидромет" синоптиктері 19, 20 және 21 қыркүйек күндеріне арналған ауа райы болжамын ұсынды, деп хабарлайды MadeniPortal.kz.

Болжамға сәйкес, алдағы үш тәулікте Қазақстандағы ауа райы біртіндеп өзгере бастайды. Республикасының солтүстік-батысында, кейін солтүстігінде жауын-шашын тоқтап, ауа температурасы көтеріледі. Ал оңтүстік және оңтүстік-шығыс өңірлерде найзағайлы жаңбыр сақталады.

Ал еліміздің бірқатар өңірінде ауа райының біртіндеп жақсаруы күтіледі. Солтүстік-батыста жауын-шашын тоқтап, кейін бұл үрдіс Қазақстанның солтүстігіне де таралады. Сонымен қатар ауа температурасы жоғарылайды. Республиканың батысында жауын-шашынсыз ауа райы сақталады.

Күндіз елдің солтүстігінде ауа температурасы +17...+25°C-қа, орталық және батыс өңірлерде +20...+28°C-қа дейін көтеріледі. Оңтүстік және оңтүстік-шығыста күн одан да жылы болады: мұнда ауа температурасы +27...+32°C-қа дейін жетеді. Оңтүстікте найзағай ойнап, жаңбыр жауады

Дегенмен жаңбырлы ауа райы Қазақстан аумағынан толықтай кетпейді. Оңтүстік және оңтүстік-шығыстың жекелеген аудандарында қысқа мерзімді жаңбыр жауып, найзағай ойнайды және жел күшейеді. Таулы аймақтарда кей уақытта қатты жаңбыр жаууы мүмкін. Жауын-шашынға қарамастан, оңтүстік өңірлерде жылы ауа райы сақталады.