Нұр-Сұлтанда «Рухани қазына» фестивалі өтіп жатыр

Фестивальдің мақсаты – мәдениет саласы қызметкерлерінің қызметінде тәжірибе алмасуға мүмкіндік беру, соның ішінде кітапхана, музей, мәдени ойын-сауық саласындағы қызметкерлердің кәсіби шеберлігін арттыру, қазақстандық патриотизм мен ұлттық-мәдени бірлікті дамыту аясында ұлттық мәдениетті насихаттау, аймақтық мәдениет ұйымдарының имиджін көтеру, үздік әлеуметтік-мәдени және білім беру тәжірибелерін ортаға салу.

Фестиваль міндеттері – бірыңғай мәдени кеңістікті дамыту, аймақтардағы мәдени мұралармен танысу, жұмыс бойынша тәжірибе алмасу, қоғамдық сананы жаңғырту аясында мәдениет ұйымдары қызметтерінің мазмұнын жаңарту бойынша идеялар іздеу, мәдениет қызметкерлерінің кәсіби шеберлігін арттыру.

Мәдениет пен өнер саласы қызметкерлері күніне ұйымдастырылған бұл шараға республика өңірлерінен 250-ге жуық қатысушы келді. «Мұнда музей, кітапхана және мәдениет үйлерінің қызметкерлерінің тәжірибе алмасатын алаңын құрғымыз келді. Қазақстанның барлық өңірінен келген мамандарға шеберлік сабақтарын өткіземіз. Сонымен бірге, мәдениет саласындағы қызметкерлерді ынталандыруды, өңірлік мәдениет ұйымдарының имиджін нығайтуды мақсат еттік. Мәселен, өткен жылғы фестивальдің нәтижесінде ауылдық жерлерде коворкинг-орталықтар ашылды. Мәдениет үйлерінде - жаңа үйірмелер мен жаңа форматтағы кітапханалар пайда болды», - деді ҚР Мәдениет және спорт министрлігі Мәдениет және өнер істері департаменті директорының орынбасары Мақсат Арғынбеков.

Фестиваль аясында мемлекеттік музейлер (облыстық, аудандық (қалалық) маңызы бар),мемлекеттік кітапханалар (облыстық, аудандық (қалалық), ауылдық маңызы бар), мемлекеттік мәдени ойын-сауық ұйымдары (облыстық, аудандық (қалалық) маңызы бар) арасында өткізілетін республикалық «Рухани қазына-2019» байқауының нәтижесі жарияланатын болады.

Байқау нәтижесінде қатысушылар келесі номинациялар бойынша марапатталады:

Мәдениет ұйымдарының қызметкерлері келесі номинациялар бойынша марапатталады: