«Уақыты келгенде шындықты айтамын»: Роналду жанкүйерлеріне тосын мәлімдеме жасады

Португалия құрамасының капитаны Криштиану Роналду ұлттық құрамадағы мансабын аяқтау туралы шешім қабылдады. Бұл туралы португалиялық O Jogo басылымы мәлімдеді, деп хабарлайды MadeniPortal.kz.

Басылым мәліметінше, 41 жастағы футболшы енді Португалия құрамасына оралмайды. Оның ұлттық құрама сапындағы соңғы ойыны 24 қыркүйекте Уэльске қарсы өткен Ұлттар лигасының кездесуі болған. 

Роналдудың құрамадан кетуіне дейін команда бас бапкері Жорже Жезушпен арадағы жағдай қызу талқыланды. Норвегияға қарсы 2:1 есебімен аяқталған кездесуде жұлдызды шабуылшы алаңға шықпай, бүкіл ойынды қосалқы құрамда өткізген. Кейін Жезуш Данияға қарсы матчта да Роналдуды негізгі құрамға шығармайтынын айтқан.

Осыдан кейін футболшы Португалия футбол федерациясының президенті Педру Проэнсамен сөйлесіп, Копенгагендегі ұлттық құраманың орналасқан жерінен кететінін мәлімдеді.

Роналду Португалия құрамасында жиырма жылдан астам уақыт өнер көрсетті. Ол ұлттық командамен бірге 2016 жылғы Еуропа чемпионатын жеңіп, Ұлттар лигасының бірнеше дүркін жеңімпазы атанды. Сондай-ақ португалиялық футболшы ұлттық құрамалар тарихындағы ең көп матч өткізген және ең көп гол соққан ойыншылардың бірі ретінде рекордтар орнатты.