Берлинде Қазақстан мен Германия зиялыларының тұңғыш форумы өтті

Осындай атаумен Берлинде Қазақстан мен Германия көркемөнер зиялыларының тұңғыш форумы өтті. Шараның басты мақсаты – дара мәдениетіміз бен әдебиетімізді Еуропада насихаттау. Неміс жағынан конференцияға журналистер, әдеби сыншылар және қазақ диаспорасының өкілдері қатысты. Ал Қазақстаннан құрамында белгілі жазушылар, ақындар, режиссерлер мен сықақшылар бар ауқымды делегация келген. Арасында журналистер академиясына мүше Нұртөре Жүсіп, ақын Ұлықбек Есдәулет, жазушы Сәуле Досжан бар. Олар шетелдік әріптестерімен өзара ынтымақтастығын дамыту мәселелерін талқылаған.