Қызылорда облысында жағаұстатар жағдай болған. "Немолчи" қорының жетекшісі Дина Таңсәрінің сөзінше, 16 жастағы қызды сыныптастары жезөкшелікпен айналысуға мәжбүрлеген, қыз - бір үйдің жалғызы екенін мәлімдеді, деп хабарлайды madeniportal.kz massaget.kz тілшісіне сілтеме жасап. 

"Немолчи" қорының жетекшісі ұсынған мәліметке сүйенсек, қыз ауық-ауық байланысқа шығып, видеомен хабарласып, кафеде даяшы немесе гүл сататын дүкенде сатушы болып жұмыс істейтінін айтқан. Ата-анасы айтылған жерге барғанда, ол жақтағылар қыздың жай ғана видео түсіріп, кетіп қалғанын жеткізген. Қыздың сөзінше, ата-анасы шу шығармас үшін оны осылай жасауға мәжбүр еткен.

Қоғам белсендісінің сөзіне сүйенсек, қыздың сыныптастары туыстары Астанадан екенін, ол жақта "крышалары" барын, тіпті қызға ата-анасын өлтіретінін айтып қорқытқан.

"Қыз ата-анасы үшін қорыққан, өйткені ол бұл адамдардың қауіпті екенін білген. Оған үнемі есірткі беріп, зорлаған. Бұл туралы бәрі білген, қыздың ата-анасы мұғалімдер мен мектеп директоры, учаскелік полицей білетініне де сенімді. Кеше мұның бәрі ашылды. Өйткені олар қыздан үлкен сомада ақша сұраған, ал бұл соманы таппаса, шашын, қастарын қырып тастайтынын айтқан. Қыз ақшаны Instagram-дағы досынан сұрауды ұйғарған, ал досы шыдай алмай, қыздың ата-анасына мән-жайды хабарлаған.

Дина Таңсәрінің айтуынша, Қызылорда полициясы тергеу жүргізіп жатыр, күдіктілер ұсталған.