Павлодарда қайырымдылық балында 50 миллион теңге жиналды

Павлодарда зағип жандарға арналған қайырымдылық балында 50 миллион теңгеден астам қаражат жиналды

Павлодар облысы әкімінің дәстүрлі қайырымдылық балында жиналған барлық қаражат қазақстандық зағиптар қоғамының оқу-өндірістік кәсіпорнының қажеттіліктеріне жұмсалады, деп хабарлайды pavlodarnews.kz тілшісі. 

Облыс әкімдігі баспасөз қызметінің мәлімдеуінше, Павлодарда өңір басшысының қайырымдылық балы екі жыл қатарынан өтті. Бұл жолы ол 300-ге жуық кәсіпкерлер мен жетекшілерді қамтыды. 

Сондай-ақ балға қатысушылар үшін аукцион өткізілді. Онда Ertis клубы футболшыларының қолтаңбалары қойылған доп, Серік Сәпиевтің қолтаңбасы бар қолғап және қазақ батырының шоқпары қойылды. Сонымен қатар, сауда-саттықтан жалпы сомасы 30 миллион теңгеге 20-дан астам сурет сатылды. Соның ішінде, 15 миллион теңгеге түрік кәсіпкері сатып алған Малайсары батырдың портреті ең қымбат сурет болды. 

Қайырымдылық балынан түскен барлық табыс көзі қазақстандық зағиптар қоғамының оқу-өндірістік кәсіпорнына беріледі. 

- Осындай қолдау үшін үлкен рахмет!  Сіздер бізге қармақ бердіңіздер, ал балық пен өзенді өзіміз табамыз. Өткен жылы қайырымдылық балында 16 миллион теңге жиналған болатын, - деп атап өтті  «Қазақстан зағиптар қоғамы» қоғамдық қоры Павлодар филиалының төрағасы Амангелді Бердиев. 

Сол кезде бұл қаражатты психоневрологиялық аурулары бар адамдардың әлеуметтік бейімделуіне көмектесетін «Альрами» клуб үйі үшін ғимарат сатып алуға жұмсау ұйғарылды. «Альрами» клуб үйі басшысының орынбасары Бибігүл Шәріпова меценаттарға көмек көрсеткені үшін алғыс айтып, бір жыл бұрын осындай қайырымдылық балының арқасында ұйым психоневрологиялық аурулары бар адамдарды оңалту үшін ғимарат сатып алғанын айтты. 

- Біз тоғыз жылдан бері екінші топ мүгедектігі бар психоневрологиялық аурулары бар адамдарды оңалтумен айналысамыз, - дейді Бибігүл Шәріпова. - Бұрын біз меценат берген шағын бөлмеде орналасқанбыз. Бұл бөлмеде сегіз жыл тұрдық. Міне, облыс әкімінің және біздің кәсіпкерлеріміздің идеясының арқасында біз клубқа арналған ғимарат сатып алдық. Өткен жылы осы уақытта 20 миллионнан астам қаражат жинауға көмектестіңіздер. Ақпан айында Иса Байзақов көшесі, 159/1 мекенжайында, 230 шаршы метрлік үй-жай сатып алдық. Енді біз қайда өмір сүреміз және қайда жұмыс істейміз деп ойламаймыз. Біз толықтай шығармашылықпен айналысамыз.

P. S.

1. Портреттің бағасы әлдеқайда төмен, ал миллион дегендері - Тұрсынбектің әзілдері

2. Жалпы құны 30 миллион тұратын 20 картина сатылды.

3. Жиналған қаражат 52,2 миллион теңге. Бұл қаражат зағиптар қоғамына берліде.

4. Малайсары батырдың картинасы 15 миллион теңгеге түрік бизнесменені кетті

5. Облыс әкімінің картинасын ауған соғысының ардагерлері сыйлаған, алайда бірден аукционға кетті.

7. Сатылған картиналардың ішінде Қаныш Сәтпаевтың картинасы 1,5 миллионға кетті
Баян, Олжабай, Жасыбай батырлардың картиналары да бар.