Димашты Киевтегі жанкүйерлері әуежайдан қазақша хабарландырумен қарсы алды

Басты бет > Жаңалықтар > Димашты Киевтегі жанкүйерлері әуежайдан қазақша хабарландырумен қарсы алды

Димашты Киевтегі жанкүйерлері әуежайдан қазақша хабарландырумен қарсы алды

Жаңалықтар 11.03.2020

2194

Киевтегі Жуляна халықаралық әуежайының диспечері қазақстандық әншіні қазақша хабарламамен қарсы алды. Бұл сәтте аэропорт сүйікті әртісімен кездесуді асыға күткен жанкүйерлердің қуанышымен думанға бөленді. Осылайша украиналық тыңдармандардың қошеметі көңіл толқытты.

Көпшіліктің қолдарында Қазақстан мен Украинаның жалаулары, әншіге шын пейілдерімен ұсынғысы келетін гүлдері мен сыйлықтары бар. Ал әншінің жанары «Дайдидау» әні сегіз жылдан кейін Украинаға оралды!» деген жазуы бар үлкен плакатқа түсті. Демек, көрермендер Киевтегі концертті шынымен күткен екен.

Жанкүйерлер де Димашты қазақ тілінде: «Димаш Құдайберген, Киев қаласына қош келдіңіз!» деп таза әрі еш акцентсіз ұранмен күтіп алды. олар, сонымен қатар әншіге өте символикалық сыйлық – гетман күшінің нышаны болып табылатын зерлі мата сыйлады.

– Сіздің әніңіз бен дауысыңыз біздің жүрегіміз бен санамызды ешқашан өшпейтіндей жаулап алды. Бұл кестелі мата сіздің шығармашылығыңыздың біздің жүрегіміздегі орнының белгісі болып қалсын, – деді жанкүйерлер Димашқа қуанышпен.