Жақып атамыз негізін қалаған театр ұжымы осыдан тұп-тура бір жыл бұрын Тұңғыш Президентіміз, Елбасы Нұрсұлтан Әбішұлы Назарбаевтың бастамасымен, Қазақстан Республикасының Президенті Қасым-Жомарт Кемелұлы Тоқаевтың қолдауымен салынған елорда төріндегі теңдесі жоқ жаңа ғимаратқа қоныс аударып, қуанышқа бөленіп отыр. Атаулы мерейтойлар аясында ұйымдастырылып отырған бұл шара салауатты өмір салтын насихаттап, өнер ұйымдарының арасында достық қарым-қатынасты нығайтуға бағытталып отыр. 

Елордадалық театрлар арасында ұйымдастырылып отырған футболдың шағын турниріне «Қалибек Қуанышбаев атындағы мемлекеттік академиялық қазық музыкалық драма театры», «Жастар», «Астана Опера», «Әзірбайжан Мәмбетов театры», «Музыкалық жас көрермен театры», «Әзірбайжан Мәмбетов театры», «Астана Мюзикл» сынды өнер ұйымдары қатысты. Халықтың қошеметіне бөленіп жүрген әртістер, бұл турнирде де белсенділік танытып, ойынды жоғары деңгейде көрсете білді.

Жеңімпаз атанған командалар мен үздік деп танылған ойыншылар арнайы алғыс хаттармен марапатталды. Атап айтсақ, жүлделі бірнші орынды «Астана Опера» театры, екінші орынды «Астана Мюзикл» театры иеленсе, үшінші орынды «Музыкалық жас көрермен театры» қанжығасына байлады. Ал «Үздік шабуылшы» номинациясы бойынша «Астана Опера» театрының артисі Бахтияр Бостанбаев, «Үздік қорғаушы» номинациясы бойынша «Астана Мюзикл» театрының актері Арнат Жамаш марапатталса, «Үздік қақпашы» номинациясын «Музыкалық жас көрермен театрының актері Аққанат Қуандықов иеленді. Алдағы уақытта да, өнер ұйымдарының арасында достық қатынасты арттыратын осындай кездесулер өз жалғасын табады деп сенеміз.