Мәдени іс-шара 23 ақпан сағат 17.00-де баспасөз конференциясымен басталады. 2020 жылдың 20 желтоқсанында ҚР Президентінің арнайы Жарлығымен театрға «Ұлттық» мәртебесі берілген болатын. Осыған орай, конференция барысында театрдың жаңа логотипі мен жаңа сайтының таныстырылымы өтеді. Сағат 18.30-да қоюшы-режиссер А.Оспанбаеваның (авт. Ә.Нұрпейісов)  «Қан мен тер. Ақбала» трагедиясы; 24 ақпан қоюшы-режиссер А.Қабдешованың «Қытайдан жеткен сәлемдеме» (авт. Р.Отарбаев) драмасы; 25 ақпан (бір кеште екі спектакль) қоюшы-режиссер Н.Қарабалинаның «Бейтаныс таныстар» (авт. А.Батырқызы) және қоюшы-режиссер Р.Жұрынбайдың «Қайдасың, мама?!» (авт. Ж.Бауыржанқызы) моноспектакльдері; 26 ақпан қоюшы-режиссер Ж.Жұманбайдың «Мақшар түнгі махаббат» (авт. Д.Исабеков) мистикалық драмасының  премьерасымен өз жалғасын табады.

Баспасөз конференциясына М.Әуезов атындағы Қазақ ұлттық драма театрының көркемдік жетекшісі, КСРО Халық артисі – А.Әшімов, М.Әуезов атындағы Қазақ ұлттық драма театрының директоры, Қазақстанның еңбек сіңірген қайраткері – Е.Жуасбек, «Қан мен тер. Ақбала» трагедиясының қоюшы-режиссері – А.Оспанбаева, «Қытайдан жеткен сәлемдеме» драмасының қоюшы-режиссері – А.Қабдешова, «Мақшар түнгі махаббат» мистикалық драмасының қоюшы-режиссері – Ж.Жұманбай қатысады.

Баспасөз-конференциясы барысында жаңа қойылымдардың бүгінгі қоғам үшін маңызы, жанры мен стильдік ерекшеліктері, актерлік құрамы сынды мәселелер талқыланады.

madeniportal.kz