Жаңа тарихи теле-кино туындылардың жанрларына Ұлы даланың бай мифологиялық және фольклорлық материал...
Көпқабатты үйде лифт құлап кетті
Сурет: arnapress.kz
665
Семей қаласында көпқабатты үйде жеделсаты құлап, 6 адам зардап шекті, деп хабарлайды madeniportal.kz Kazinform-ға сілтеме жасап.
Оқиға 8 мамырда болған.
- Сағат 11.40 шамасында Әуезов даңғылы, 3 мекенжайындағы көпқабатты тұрғын үйдегі екінші кіреберісте лифт шахтаға құлап кеткен. Лифтке 6 адам кіргені анықталды. Рұқсат етілген салмақтан асып кету салдарынан лифт кабельдері үзіліп кеткен, - деп хабарлады қала әкімдігінен.
Қазіргі уақытта зардап шеккендер қаладағы жедел медициналық жәрдем ауруханасына жеткізілген. Оларға медициналық көмек көрсетілуде.
Абырай болғанда, оқиға салдарынан қаза болған ешкім жоқ. Қылмыстық іс қозғалып, тергеу жүргізілуде, - делінген ақпаратта.