Залдың салтанатты ашылуы 2015 жылдың 25 қарашасында болды. Бұл залдың қорындағы кітаптар «Құнды тарту» акциясы аясында ҚР Ұлттық академиялық кітапханасына сыйға тартылды. Топтама құрамында – білімнің әртүрлі салалары бойынша: тарих, философия, экономика, саясат, тіл білімі және әдебиеттану, түркітану және өнер туралы басылымдар бар. Олардың ішінде – көркемдік безендірілуі бойынша сирек репринтті, аз тиражды, полиграфиялық орындалу үлгілері, түптелу өнері жағынанкеремет кітаптар, шағын басылымдар.

Бұл каталогтағы сирек кітаптар: 700 жылдардан бастап бір әулеттің үрім-бұтағының бастамасымен қағаз бетіне түсірілген «Құран тәпсірлері», яғни ежелгі Құран түсініктемесі; Джон Рашуоттың тарихи топтамасынан 1886 жылы жарияланған 10 шежіренің бірі; 1734 жылы Парижде баспа бетін көрген Қытай, Иран, Үндістан және Жапониядан түпнұсқа түрлерінде жинақталған қытай картиналары бойынша кітаптар; «Живописное путешествие по Азии» (1839-1840) атты бірегей басылым;Брокгауз бен Ефронның(1890-1901) энциклопедиялық сөздігі, 82 томы және 4 қосымшасы; әр кезеңдердегі Құран бсылымдары және басқалар.

«Құнды тарту» залының қоры 5511 атаудан тұратын 5927 дана кітаптан тұрады. 5619 дана кітаптың 300 данасы қазақ, 4513-і орыс, 1114-і шет тілінде.