Қаламгерлерге Абай атындағы мемлекеттік сыйлық табыс етілді

Еліміздегі бірқатар ақын-жазушыларға Қазастан Республикасының Абай атындағы әдебиет пен өнер саласындағы 2020 жылғы мемлекеттік сыйлығы берілді. Бұл туралы akorda.kz сайты хабарлады. 

Қазақстан Республикасы Президенті Қасым-Жомарт Тоқаевтың Қаулысымен Қазақстан Республикасының Абай атындағы әдебиет пен өнер саласындағы 2020 жылғы мемлекеттік сыйлығы:

1. Абдрахманов Сауытбек Абдрахманұлына, мәдениеттанушы - «Абыз Әбіш» зерттеуі үшін;
2. Ақсұңқар Серікке, ақын - «Көкейімде Күлтегінің жазуы» өлеңдер жинағы үшін;
3. Есім Ғарифоллаға, жазушы - «Ғұлама-наме» трилогиясы үшін;
4. Жолдасбеков Мырзатайға, әдебиеттанушы - «Ұлы Дала әдебиеті» тарихи-әдеби зерттеулер жинағы үшін;
5. Қанапиянов Бақытжан Мұсаханұлына, ақын - «Достояние души» өлеңдер жинағы үшін;
6. Мұқанова Роза Қажығалымқызына, драматург - «Сарра» драматургиялық шығармалар жинағы үшін;
7. Нұрмағанбетов Тынымбай Нұрмағанбетұлына, жазушы - «Періштелердің өлімі» прозалық шығармалар жинағы үшін берілді.

"Мәдениет порталының" ұжымы барлық қаламгерлерді шын жүректен құттықтап, шығармашылықтарына табыс, отбасыларына амандық тілейді!

madeniportal.kz