86 жастағы қария өз ауласынан өлі табылды: Қостанайда жасөспірім ұсталды

видеодан алынған скрин

ЖАҢАЛЫҚТАР
429

Қостанайда 86 жастағы зейнеткердің өліміне қатысты жергілікті жасөспірім ұсталды. Қарияның денесі өз үйінің ауласынан зорлық-зомбылық белгілерімен табылған, деп хабарлайды MadeniPortal.kz.

Қостанай облыстық Полиция департаментінің мәліметінше, қайғылы оқиғадан кейін қылмыстық іс қозғалып, сотқа дейінгі тергеу басталған.

Жедел-іздестіру шаралары барысында полиция қызметкерлері күдіктінің кім екенін анықтаған. Ол жергілікті кәмелетке толмаған жасөспірім болып шықты.

«Жедел-іздестіру шаралары барысында күдікті анықталып, ұсталды. Ол жергілікті жасөспірім болып шықты. Күдікті уақытша ұстау изоляторына қамалды», – деп хабарлады облыстық Полиция департаменті.

Қазір тергеушілер қылмыстың мән-жайын, оның ішінде оқиғаның неден туындағанын анықтап жатыр.

Әзірге жасөспірімнің жасы мен оқиғаның өзге де егжей-тегжейі жарияланған жоқ.

Күдіктінің кінәсі сот үкімімен дәлелденгенге дейін ол кінәсіз деп есептеледі.

Әлем

Сенегал жағалауында мигранттар мінген ағаш қайық аударылып, кемінде 39 адам көз жұмды. Бір адам аман...

ЖАҢАЛЫҚТАР

2027 жылғы 1 қаңтардан бастап Алматының шығарындылар деңгейі төмен аймағындағы газдандырылған ауданд...