Әйел өзін елестер зорлағанын айтып, сұмдық жағдайды жеткізді

Таиланд тұрғыны бір топ елестен сексуалды зорлық көргенін айтып полицияға шағым түсірді, деп хабарлайды Madrniportal.kz Stan.kz ақпарат агенттігіне сілтеме жасап.

52 жастағы Нин есімді Бангкок тұрғыны соңғы екі жылда полицияға оннан аса шағым түсірген. Сөзінше, үйінде тұратын көзге көрінбейтін 10-ға жуық ер адам оған зорлық көрсеткен. Нин елестердің паранормалды қабілеттері барын, гипноз жасап, азаптай алатынын айтқан. 

Полицейлер бірнеше рет әйелдің үйін және өзін де тексерген. Алайда денесінен шабуыл іздері, үйінде де ешқандай белгілілер табылмаған. Бұған қарамастан Нин қосымша тергеу жүргізуді талап етіпті. Нәтижесінде 2023 жылы әйелдің шизофренияға шалдыққанын анықтады. Алайда әйел емделуден бас тартып, сөзінің рас екенін дәлелдеуге тырысқан. 

Кейін бұл істің байыбына жету үшін детектив Кан Джом Пхаланг қана көмектесе алатынын айтыпты. Детектив желідегі парақшасының арқасында танымал болған. Нәтижесінде Кан Джом Пхаланг бастаған топ 2 наурызда әйелді ем қабылдауды бастауға көндіру үшін үйіне аттанды.