Алматы облысында радардан жоғалған әскери тікұшақ іздестіріліп жатыр

Фото: atamekenbusiness.kz

ЖАҢАЛЫҚТАР
791

Алматы облысында радардан жоғалған әскери тікұшақ іздестіріліп жатыр, деп хабарлайды MADENIPORTAL.KZ.

Оқиға 25 шілде күні болған. Жоспарлы ұшу барысында ҚР Қарулы Күштері Әуе қорғанысы күштерінің EC-145 тікұшағы радардан жоғалып кетті.

Қорғаныс министрлігінің әуе кемесі Луговой елді мекенінен ұшып шығып, Отар аумағында байланысқа шықпай қалған.

Алдын ала мәліметке сәйкес, тікұшақ бортында 3 экипаж мүшесі болған. Оқиға орнына Қорғаныс және Төтенше жағдай министрліктерінің күштері мен құралдары, соның ішінде Қазавиақұтқарудың 2 тікұшағы жұмылдырылды.

Бұдан бөлек ТЖМ-нің 100-ден астам құтқарушысы мен 15-ке жуық бірлік техникасы, оның ішінде авиация мен ұшқышсыз ұшу аппараттары іздеу жұмыстарына тартылды.