Басты бет > Жаңалықтар > Әсет Исекешев ҚР Президенті Әкімшілігінің Басшысы болып тағайындалды

Әсет Исекешев ҚР Президенті Әкімшілігінің Басшысы болып тағайындалды

Жаңалықтар 10.09.2018

1407

Әсет Исекешев ҚР Президенті Әкімшілігінің Басшысы болып тағайындалды. Бұл туралы Ақорданың баспасөз қызметі хабарлады.

"Мемлекет басшысының жарлығымен ҚР Президенті Әкімшілігінің Басшысы болып Әсет Өрентайұлы Исекешев тағайындалды" делінген хабарламада.

Әсет Исекешев бүгінге дейін Астана қаласы әкімі қызметін атқарған-ды. Ал, ҚР Президент Әкімшілігінің жетекшісі болып Әділбек Жақсыбеков қызмет еткен болатын.

Айта кетсек, Әсет Исекешев 1971 жылдың 17 тамызында туған.

1994 жылы Әл-Фараби атындағы ҚазМҰУ-дің заң факультетін бітірген.

1998 жылы Қазақстан Республикасының Президенті жанындағы Жоғары мемлекеттік басқару мектебін аяқтады.

Қазақстан Республикасы Стратегиялық жоспарлау және реформалар агенттігінде, Қазақстан Республикасы Экономика және бюджеттік жоспарлау министрлігінде жұмыс істеді.

2003-2006 жылдары	Қазақстан Республикасы Индустрия және сауда вице-министрі.
2006-2007 жылдары	«Қазына» тұрақты даму қоры» АҚ Басқармасы төрағасының орынбасары.
2007- 2008 жылдары	«Credit Swiss (Қазақстан)» компаниясының қаржылық жобалар маркетингі жөніндегі директоры.
2008 жылғы ақпаннан 2009 жылғы мамыр аралығында	Қазақстан Республикасы Президентінің экономикалық мәселелер жөніндегі көмекшісі.
2009 жылғы мамырдан бастап	Қазақстан Республикасы Индустрия және сауда министрі.
2010 жылдың наурызынан бастап	Қазақстан Республикасы Премьер-Министрінің орынбасары - Индустрия және жаңа технологиялар министрі.
2012 жылдың қаңтар айынан бастап	Индустрия және жаңа технологиялар министрі.
2012 жылдың қыркүйегінен	Қазақстан Республикасы Премьер-Министрінің орынбасары - Қазақстан Республикасы Индустрия және жаңа технологиялар министрі.
2014 жылдың 06 тамызынан бастап	Инвестициялар және даму министрі.
2016 жылғы 21 маусымнан бастап	Қазақстан Республикасы Президентінің № 288 Жарлығымен Астана қаласының әкімі болып тағайындалған болатын.