Астаналық дәрігерлерге конституциялық реформаның негізгі бағыттары түсіндірілді

Астанадағы №3 көпсалалы қалалық балалар ауруханасында медициналық мекеме ұжымы қатысуымен конституциялық реформаға байланысты кездесу өтті, деп хабарлады MadeniPortal.kz.

Жиында «Әділетті және прогрессивті Қазақстанның халықтық Конституциясы үшін!» жалпыұлттық коалициясының елордалық «Есіл» ауданы штабы өкілдері бас қосты.

Іс-шара аумағында аурухана қызметкерлеріне конституциялық реформаның негізгі бағыттары түсіндірілді.

Қатысушылар адам құқықтары мен бостандықтарының басымдығын, заң үстемдігі қағидатын, мемлекеттің зайырлы сипатын, сондай-ақ білім, ғылым және инновацияға негізделген ел дамуының жаңа бағыттарын талқылады.

Сондай-ақ отырыс барысында елдің маңызды тарихи кезеңде тұрғаны, ал жаңа Конституцияны қабылдау әрбір азаматтың сапалы әрі қолжетімді медициналық көмекке құқығы сөзсіз мемлекеттік кепілдік ретінде бекітілетін берік институционалдық негізді қалыптастырудың іргетасына айналатыны атап өтілді. Дәрігерлер мен медицина қызметкерлерін қолдау мемлекеттік саясаттың басым бағыттарының бірі ретінде айқындалды.

Бұдан бөлек, медициналық көмектің сапасы мен қолжетімділігін арттыруға бағытталған денсаулық сақтау жүйесін цифрлық трансформациялау тақырыбы да қозғалды.

 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Астана қаласының №3 көпбейінді қалалық балалар ауруханасы (@mgdb_3)