Басты бет > Жаңалықтар > Берел жәдігерлері Ұлыбританияда таныстырылады

Берел жәдігерлері Ұлыбританияда таныстырылады

Жаңалықтар 21.09.2021

1839

Ұлыбританияда өтетін көрмеге Берел қорғандарынан табылған тарихи жәдігерлер қойылады, деп хабарлайды "Мәдениет порталы" «Берел» мемлекеттік тарихи-мәдени қорық-музейінің баспасөз қызметіне сілтеме жасап.

Қазақстан Тәуелсіздігінің 30 жылдығы аясында Шығыс Қазақстан облысының әкімдігі Ұлыбританияның Кембридж университетінің Fitzwilliam музейінде «Ұлы дала алтыны» халықаралық көрмесін ұйымдастырмақ, Көрменің ашылу салтанаты 28 қыркүйекте өтеді деп жоспарланып отыр.

Мәдени шара Қазақстанның көп ғасырлық тарихы мен бай мәдениеті, ғалымдардың ғылыми ізденістерінің жаңа нәтижесімен таныстыруға мүмкіндік береді.

Осыған орай Қазақстан археологиясы жетістіктері «Gold of Kazakhstan» экспозициясында көрсетіледі, мұнда Берел қорғандарынан табылған қаңқалар, киізден және матадан жасалған жылқы әбзелдері көрермендер назарына ұсынылады.

«Зерттеуші Зейнолла Самашев 1998 жылы қорғанның «патша қорымы» кезеңін зерттеу барысында №11 нысаннан алтынмен апталған 13 ат және сол заманның көсемі болған бекзада мен әйелдің сүйегін тапқан. «Берел жылқылары» деген атаумен белгілі бұл жылқылар тарихымыздың жауһар жәдігерлерінің бірегейіне айналған. Сондай-ақ, ерекше құрылым мен жерлеу рәсімі №36-шы обада тіркелген болатын. Басқа жерде кездеспейтін бұлан тектес сүйектен жасалған жылқының әшекейі. Бұл әшекейдің құндылығы да алтынмен бірдей. Мұндай үлгілер Алтай өңірінің басқа жерлерінде кездеспейді», - деді «Берел» мемлекеттік тарихи-мәдени қорық-музейі директорының міндетін атқарушы Алмас Сарбасов.

madeniportal.kz

#Жаңалықтар

Бөлісу: