Яна Легкодимованы өлтіргендер әлі қатаң түрмеге жеткізілмеген: Этаптау үшін ұлттық ұланның арнайы қарауылы сұралған

Фото: әлеуметтік желіден

ЖАҢАЛЫҚТАР
158

Яна Легкодимованы өлтіргені үшін өмір бойына бас бостандығынан айырылған Алтынбек Қатимов пен Ризуан Хайржанов әлі күнге дейін Атыраудағы тергеу изоляторында отыр, деп хабарлайды MadeniPortal.kz Orda.kz-ке сілтеме жасап.

Атырау облысы бойынша қылмыстық-атқару жүйесі департаменті сотталғандардың әлі этапталмағанын мәлімдеді.

«Өмір бойына сотталғандар қазіргі уақытта Атырау облысы бойынша ҚАЖ департаментінің тергеу изоляторында қамауда отыр. Оларды этаптау үшін ҚР ұлттық ұланының арнайы қарауылын бөлуге өтінім жолданды», — деді Атырау облысы бойынша ҚАЖ департаментінің басшысы Азамат Ізтілеуов.

Оның айтуынша, арнайы қарауыл бөлінгеннен кейін сотталғандар жазасын өтеу орнына жеткізіледі. Алайда нақты қашан жөнелтілетіні әзірге белгісіз.

Бұған дейін марқұмның анасы Галина Легкодимова қылмыстық-атқару жүйесі комитетіне ресми түрде жүгініп, сотталғандардың қашан этапталатынын түсіндіруді сұраған.

ЖАҢАЛЫҚТАР

Елордада үш баланың өмірін қиған өртке қатысты көршісі Аша Жақсығұлова болған оқиғаны баяндады, деп...

ЖАҢАЛЫҚТАР

Атырау облысында төрт адамның қазасына байланысты қозғалған қылмыстық іс бойынша күдікті ретінде тан...