Kaspi терминалын ұстаған балаға тоқ соқты: Талдықорғанда 1-сынып оқушысы зардап шекті

Әлеуметтік желіде Талдықорған қаласындағы дүкендердің бірінде түсірілген видео тарап, көпшіліктің қызу талқысына түсті, деп хабарлады MADENIPORTAL.KZ Stan.kz-ке сілтеме жасап.

Кадрда баланың Kaspi төлем терминалынан тоқ соққан сәті көрінеді. Бұл бейнежазбаны оқыс жағдайға тап болған баланың анасы жариялаған. Ол жұртшылықты сақ болуға шақырып, басынан өткен жайтты бөлісуді жөн көрген.

Оқиға Талдықорғандағы Seven дүкенінде орын алған. Видеодан баланың алдымен дүкеннің кіреберісіндегі есікті ұстап, артынан оң қолын терминалға қарай созғаны байқалады. Сол сәтте бала тоқ ұрып, шошып кетеді. Абырой болғанда, жанында тұрған әйел баланы тез арада тартып алып, аман алып қалған.

Зардап шеккен баланың анасы Назым Адилова өз сөзінде оқиға орнында ашықта жатқан ешқандай тоқ сымдары болмағанын айтты. Бұл жағдай ата-аналарға, дүкен иелеріне және техника қауіпсіздігіне жауапты мамандарға сабақ болуы тиіс дейді ол.

Оның айтуынша, ұлы — 1-сынып оқушысы, жасы небәрі 7-де. Дәрігерлер қазір баланың жағдайын толық тексеріп жатыр.

Назым Адилова таратқан суретте баланың терминалдың қай тұсын ұстағаны көрсетілген.

Талдықорған қалалық денсаулық сақтау басқармасы оқиғаға қатысты түсініктеме беріп, баланың облыстық көпсалалы балалар ауруханасында ем қабылдап жатқанын растады. Мамандар баланың жағдайы тұрақты екенін, қосымша ақпарат ата-ананың рұқсатынсыз берілмейтінін мәлімдеді.

Ал Жетісу облыстық полиция департаменті бұл жағдай бойынша қылмыстық іс қозғалғанын хабарлады.

 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Кертаев Айдос (@krisp.tdk)