«Құл қылып ұстаған»: Белгілі спортшыға айып тағылды (ВИДЕО)

«Аталған факті бойынша қылмыстық іс қозғалды», – деп хабарлады Солтүстік Қазақстан облысы полиция департаментінің баспасөз қызметі.

«Баламды алғаш көргенде шошып кеттім. Оның құлағы жыртылған. «Неге айтпадың?» десем, «Телефон шалғанда қасымда біреуі не пышақ, не арматура ұстап тұрады. Басқа сөз айтқызбайды» деп жауап қатты.

«Мен құлдықта болған жер – Солтүстік Қазақстан облысының Уәлиханов ауданына қарасты Жасқайрат ауылы. 2021 жылы аялдамада таныстық, бір аптадай бірге пәтер жалдап тұрдық. Сосын олар ауылына кетті де мен Алматыға кеттім. Бірақ телефон арқылы хабарласып тұрдық. 2023 жылы әуежайда жұмыс істеп жүргенмін. Ол мені «жұмыс бар, 500-600 мың теңге төлеймін, келемін десең, жолыңа билет алып берейін» деді. Негізі Түркияға кетуге құжат жинап жүргенмін. 28 қыркүйек күні Алматыдан Астанаға келдім. Сөйтіп әрі қарай ауылға кеттік, бірақ нақты олардың ауылына баратынымызды да білген жоқпын. Шөп шабатынымызды, менің Әлфарабиге көмектесетінімді айтқан. Бір аптадай бәрі жақсы болды, бірақ жұмысқа кірісе алмадық. Мен одан жұмысты қашан бастайтынымызды сұрадым. Бір күні досымен бірге ішіп келіп: «Южан, ежик, кете алмайсың, кететін болсаң, кетуші едің» деп тиісті», - деді жас жігіт.