Шымкенттегі төбелес: Бір адам қаза тапты

Шымкентте төбелеске ұласып, өліммен аяқталған жол-көлік оқиғасынан кейін жаңа деректер белгілі болды, деп хабарлады MadeniPortal.kz.

Дереккөздердің мәліметінше, жолдағы соқтығыс кездейсоқ болмауы мүмкін – кейбір ақпарат жанжалдың алдын ала дайындалғанын меңзейді. Төбелес салдарынан екі адам зардап шекті.

Олардың бірі – 1990 жылы туған науқас, ол №1 қалалық клиникалық ауруханаға ауыр хәлде жеткізілді. Қоғамдық денсаулық сақтау басқармасының баспасөз қызметі хабарлағандай, жәбірленушінің сол жақ кеуде тұсында ішке өтіп кеткен шаншылып-кесілген жарақат анықталған. Осыған байланысты оған шұғыл түрде операция жасалды.

Қазір науқастың жағдайы әлі де ауыр, ол жансақтау бөлімінде қарқынды ем қабылдап жатыр, оның жеке басы әзірге анықталған жоқ.

Екінші жәбірленуші — 40 жастағы Василий Александрович Колесников Түркістан облысы Ордабасы ауданы Темірлановка ауылында, Орталық аудандық аурухананың маңынан өлі күйінде табылды.

Аталған факт бойынша қылмыстық іс қозғалып, полиция қызметкерлері күдіктілерді іздеуге бағдарлама таратты. time.kz жазуынша, Еримбетова мен Рысқұлова көшелерінің қиылысында жол апаты болған: 821 BCU 13 нөмірлі Toyota Camry жүргізушісі бағдаршамда тұрған 996 AVO 17 нөмірлі Hyundai Sonata көлігінің артқы бөлігін жеңіл жанап өткен. Соққыдан кейін бірден Camry-ден үш жас жігіт жүгіріп шығып, жол оқиғасына қатысушылар арасында сөзге келу басталған.

 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от МӘДЕНИЕТ ПОРТАЛЫ (@madeniportal.kz)