Басты бет > Жаңалықтар > Тәуелсіздіктің 30 жылдығына орай «Көшпенділер» трилогиясы Қазақ радиосынан берілуде

Тәуелсіздіктің 30 жылдығына орай «Көшпенділер» трилогиясы Қазақ радиосынан берілуде

Жаңалықтар 16.11.2021

1546

Ақпарат және қоғамдық даму министрлігінің қолдауымен және Қазақ радиосының бастамасымен күн сайын «Көкжиек» бағдарламасы жазушы Ілияс Есенберлиннің «Көшпенділер» трилогиясының аудио нұсқасын беруде, деп хабарлайды "Мәдениет порталы".

Жобаға Ұлттық аударма бюросы да қолдау көрсеткен. Қазақ хандығының құрылымы мен саяси өміріне негізделіп жазылған тарихи эпопеяның аудио нұсқасын Қазақ радиосының ардагер дикторы Бүркіт Бекмағамбетов дыбыстап шыққан.

«Егемендікті, ел мен жерді бізге аман жеткізген хандар мен баһадүр батырлардың ерлігі жүйелеп жазылған «Көшпенділер» тарихи трилогиясын Тәуелсіздік тойы қарсаңында арнайы бағдарлама эфирінен шығару Қазақ радиосының Тәуелсіздік тойына қосқан бір үлесі»,- деді «Қазақ раиолары» ЖШС бас редакторы – «Қазақ радиосы» радио арнасының директоры Дулат Абибуллаев.

Соңғы екі жылда Қазақ радиосы эфирінде Тахауи Ахтановтың, Хамза Есенжановтың, Әзілхан Нұршайықовтың, Жүсіпбек Аймауытовтың, Әбіш Кекілбаевтың, Қалихан Ысқақтың, Сәкен Жүнісовтің, Бердібек Соқпақбаевтың, Сәбит Мұқановтың, Шерхан Мұртазаның, Мұхтар Мағауиннің еңбектері мен әңгімелері аудио кітап форматында берілген.

Айта кетейік, әйгілі «Көшпенділер» туындысы - кеңестік кезеңде ұлттых тарихымыз туралы жазылған алғашқы көлемді шығармалардың бірі. Ілияс Есенберлиннің «Көшпенділер» трилогиясына жазушының 1969 жылы қазақтың соңғы ханы Кенесары туралы «Қаһар» романы мен «Алмас қылыш» және «Жанталас» романдары кіреді. «Көшпендiлер» трилогиясын орыс тіліне аударған Морис Симашко. Кітаптың тек орыс тіліндегі нұсқасы 12 рет қайта басылып шығып, жалпы тиражы 1,5 миллионнан асты.

madeniportal.kz

#Жаңалықтар

Бөлісу: