«Один дома» фильміндегі пряниктен жасалған үй Гиннестің рекордтар кітабына енді

Фото: BILD

PESTEL
334

«Один дома» рождестволық фильмінің 35 жылдығына орай Disney+ кинокомпаниясы Лос-Анджелесте кино тарихындағы ең танымал үйлердің бірі – басты кейіпкер Кевин Маккалистердің үйін салды. Ғимарат толықтай пряникпен жасалып, глазурьмен қапталған, деп хабарлайды MadeniPortal.kz BILD-ке сілтеме жасап.

Пряник үйінің биіктігі 8 метр, ал ұзындығы 18 метрді құрайды. Бұл рекордтық құрылыс әлемдегі ең үлкен пряник үйі ретінде ресми түрде Гиннестің рекордтар кітабына енді.

«Disney+ бүкіл әлемдегі отбасылар, соның ішінде менің өз отбасым үшін де мерекелік маусымның ажырамас бөлігіне айналған фильмді атап өткеніне қуанышты», – деп мәлімдеді Disney+ бренд стратегиясы мен маркетинг жөніндегі вице-президенті Зак Джером баспасөз хабарламасында.

Үйді жасау үшін мынадай ингредиенттер қажет болды: 2,59 тонна ұн, 4 200-ден астам жұмыртқа, 4 400 пряник кірпіш және шатыр үшін 800 черепица, 75 литрден астам жеуге жарамды желім және шамамен 9 кг кондитерлік мастика. 

ЖАҢАЛЫҚТАР

Колумбияда бортында 15 адам болған жолаушылар ұшағы апатқа ұшырады, олардың арасында конгрессмен Дио...

ЖАҢАЛЫҚТАР

Шымкентте тағы бір әйел пышақ жарақатынан қаза тапты, деп хабарлайды MadeniPortal.kz. Шымкент қалас...