Миллиондаған несиесін қайтаруға мәжбүр

Абай облысында телефон алаяқтарынан зардап шеккендер билік пен тәртіп сақшыларынан көмек сұрайды. Олардың айтуынша, тергеу кезінде де тұрғындар миллиондаған несиесін төлеуге мәжбүр болып отыр, деп жазады madeniportal.kz тілшісі stan.kz сілтеме жасап.

Өңірдің түкпір-түкпірінен келген адамдардың бәрі бір схема бойынша жұмыс істейтін алаяқтарға алданып қалған. Оларға әлдекімдер телефон соғып, өздерін түрлі банк қызметкеріміз деп таныстырған. Осылайша алаяқтар азаматтардың барлық жинағын жоғалтып алмау үшін шұғыл шаралар қабылдауға кеңес беріп, несие алдыртуға тырысады.

Тұрғын Нәзира Берікболовадан алаяқтар 8 миллион теңге көлемінде жымқырған.

Ал тағы бір зейнеткер Любовь Ботячкова өзінің төлем қабілеттілігі төмен болса да, оның атына несие қалай мақұлданғанына таңғалып отыр. Енді алаяқтардың құрбаны миллиондаған несиесін қайтаруға мәжбүр. Зардап шеккендер қатарында ақкөңіл зейнеткерлер де бар. Олардың айтуынша, қоңырау шалушылардың сенімді болғаны сонша, адамдар алаяқтардың барлық бұйрықтарын гипнозға түскендей орындаған.

Жәбірленушілер алаяқтар ұсталғанша төлемдерді кешіктіруді сұрады. Полицияның айтуынша, киберқылмыскерлерді анықтау оңай емес, өйткені олар көбіне шетелден әрекет етеді. Зардап шеккендерге несие төлеу екі айға тоқтатылды. Ал көбіне ақшаны алған дроппер жауапқа тартылады. 

Әсет Егеубаев, Абай облысындағы ІІБ криминалдық полиция бөлімінің тергеушісі Әсет Егеубаев  бір жыл ішінде 345 интернет-алаяқтық ісі тіркелгенін айтты.