Ата-әжелер қолына алған немерелерін өздері оқыта ала ма?

«Менде мынадай жағдай болып тұр. Мүмкін, араларыңызда осындайға тап болғандар бар шығар? Мен әжемін. Немерелеріміз біздің ауылда тұрады, себебі олардың ата-анасы қалада тұрып, сонда жұмыс істейді. Өткен жылы мектеп бізден нотариуспен расталған ата-ананың сенімхатын талап етті. Онда бала әжесінің қолында тұрып, оқитыны көрсетілген еді. Ал биыл мектеп бұл сенімхат жарамсыз, бала ата-анасынан бөлек тұра алмайды дейді. Егер немерелеріміз бізбен бірге тұра берсе, ата-анасына айыппұл салынады деп отыр. Не істеуге болады? Қайда жүгінуге болады? Бұл қаншалықты заңды?», - деп жазды ононимді желі қолданушысы.

«Менің балам 14 жасынан бері басқа қалада тұрып, оқып жатыр. Енді оны үйге алып келуім керек пе?», «Жеке хабарлама арқылы жазыңыз. Жауапты нормативтік құжаттарға сәйкес дайындаймын. Жауап жазуға көмектесейін», «Туғызып алып, тәрбиелеуді түгелдей ата-әжеге артып қою — дұрыс емес. Бала – ең алдымен ата-ананың жауапкершілігі. Бәрін әжесі мен атасына тапсырып, өздерің қалада жайлы өмір сүріп жүре беру – әділетті шешім емес», «Балам туғанынан бері әжесінің қолында тұрып келеді, ал мектепке ешқандай сенімхат тапсырған емеспіз» деп жазды интернет қолданушылары.