“Бернли” Дастан Сәтпаевты тағы да мойындады

Қазақстандық футбол жанкүйерлері үшін жағымды жаңалық. Англияның «Бернли» клубы «Мидлсброға» қарсы өтетін матчтың басты афишасына қазақстандық жас шабуылшы Дастан Сәтпаевтың суретін орналастырды, деп хабарлайды MadeniPortal.kz. 

18 жастағы футболшының клубтың ресми матч афишасында басты кейіпкерлердің бірі ретінде көрінуі — Сәтпаевқа деген назардың артып келе жатқанын көрсетеді. Қазақстандық шабуылшы «Бернли» сапындағы алғашқы қадамдарын жасап, ағылшын футболына бейімделу кезеңінен өтіп жатыр.

«Мидлсброға» қарсы кездесу «Бернли» үшін де маңызды. Команда маусымның алғашқы турларында қажетті нәтижелерге қол жеткізе алмай, турнир кестесінде төменгі орындарға жайғасты. Сондықтан алдағы матчта жеңіске жету клуб үшін үлкен серпіліс болмақ.

Ал қазақстандық жанкүйерлер үшін басты қызығушылық — Дастан Сәтпаевтың алаңға шығуы. Оның матчтың басты афишасында бейнеленуі жас футболшының клубтағы маңызы артып келе жатқанын аңғартады.

Енді жанкүйерлер Сәтпаевтан алаңдағы жарқын ойынды күтеді. Жас шабуылшы өз мүмкіндігін пайдаланып, «Бернлидің» жеңісіне үлес қоса ала ма? Бұл сұрақтың жауабы матч барысында белгілі болады.

«Бернли» — «Мидлсбро» кездесуі Қазақстан уақытымен түнгі 00:00-де басталады.