Күрес жаттықтырушысы балуандарды Азия чемпионатына жіберу үшін несие алған

«Маған бүкіл командамен бармай, бір балуанды тізімнен алып тастау ұсынылды. Себебі орталықта барлық шығынды өтеуге жеткілікті қаражат болмаған. Бірақ бәрі жарысқа аттанып жатқанда, мен бір балуанды қиын жағдайда қалдырғым келмеді. Жаттықтырушы ретінде маған бөлінген қаражатты сол спортшыға беріп, команданың толық құрамда жарысқа қатысқанын қаладым. Сол себепті банктен 500 мың теңге несие алдым. Жалпы жолақы, тұру және тамақтануға 480 мың теңге жұмсалды. Қайтып келген соң, бұл шығындарды ұйымға көрсетіп, есеп бердім. Олар қаражатты қайтарамыз деп уәде берді», — деді Сарсекеев.

«Форма берілмеді. Ол тамыз айында өтетін әлем чемпионатына дейін дайын болады дейді. Біз Азия чемпионатына барғанда, әркімнің өзінде бар киіммен кеттік. Бір сөзбен айтқанда, шеттетілгендей болдық», — дейді Айдын Сарсекеев.

«Бішкекке Азия чемпионатына күрес командасы формасыз кетті. Бұған өз себептері бар. Бұрын әр түрлі жас санатындағы командаларға форманы бір ұйым тігетін. Бірақ ол іс соңына дейін жеткізілмей, форманы өзіміз тігуге қайта кірістік. Азия чемпионатына дейін үлгермедік, енді ол формалар тамызда өтетін әлем чемпионатына дайын болады. 17 және 23 жасқа дейінгі Азия чемпионаттарына Вьетнамда формалар берілген. Біздің басшымыз, бәлкім, сол формаларды меңзеген болар. Ал Айдын Сарсекеевке келсек, бұл жағдай онымен келісілген болатын. Біз спортшылар санын азайтуды сұрадық, ол өз орнын балуанға беріп, ерікті түрде несие алды. Барлық спортшыларды қаржыландыруға бюджет жеткіліксіз», — деді Құсманов.