Алматыда өрт сөндіру бөлімі ашылды

Бостандық ауданының Нұр-Алатау шағын ауданында жаңа өрт сөндіру депосының салтанатты ашылу рәсімі өтті, деп хабарлайды madeniportal.kz.

Фотосурет: Төтенше жағдайлар министрлігі

Іс-шараға Алматы ТЖД гарнизонының жеке құрамы және арнайы шақырылған қонақтар-азаматтық қорғау ардагерлері қатысты.

ҚР Төтенше жағдайлар министрлігінің мәліметінше жергілікті атқарушы органдардың қолдауымен салынған ауданы 2,5 мыңнан астам шаршы метр 4 шығуға арналған жаңа өрт сөндіру депосы ТЖ-ға ден қою уақытын қысқартуға мүмкіндік береді, бұл қала халқының қорғалуын арттырады.

Жалпы халық саны 45 мыңнан астам адам және 146 шаруашылық субъектісі бар «Қазақфильм», «Нұр-Алатау», «Нұрлытау», «Бағанашыл», «Ерменсай», «Мирас» және «Аққайың» шағын аудандары тұрғындарының өрттен қорғалуын қамтамасыз ететін болады.

Кәсіби дайындықты ұйымдастыру мақсатында оқу-жаттығу мұнарасы, кедергілері бар 100 метрлік жолақ та бар. Соңғы қабаттарда гарнизон қызметкерлері үшін 3 пәтер көзделген.

Шақырылғандар қызметтік үй-жайлардың функционалдық мақсатымен, жабдықтармен, өрт техникасымен танысты.

Қазіргі уақытта Алматы қаласын дамытудың 2025 жылға дейінгі бағдарламасы бойынша биылғы жылы мегаполистің Түрксіб (Шығыс қақпасы ш/а), Наурызбай (Шұғыла ш/а.) және Наурызбай аудандарында (Қарағайлы ш/а.) тағы 3 өрт сөндіру депосын салу көзделіп отыр.

Бүгінгі таңда қаланың өрттен қорғалуын 20 өрт сөндіру бөлімшесі қамтамасыз етеді. Өрт қауіпсіздігін нығайту және туындаған ТЖ-ға уақтылы ден қою мақсатында толық қамтылу үшін тағы 15 өрт депосы салуынуы қажет.