1969 жылы Оңтүстік Қазақстан облыстық көзі көрмейтін және әлсіз көретін азаматтарға арналған арнайы кітапхананың негізі қаланған. Қазіргі уақытта кітапхананың қоры 107 мыңнан астам бірлікті сақтауды және де жан – жақты сипаттаманы ұстануда, сондай-ақ кітаптар білімнің әртүрлі салалары бойынша қамтылған. Кітапхана өз оқырмандарына жыл сайын 250 ден астам газет - журналадардың аталымын ұсынады. Кітапхана қорында БНШ / бедерлі-нүктелі шрифттегі кітаптар үндендірілген, жазық баспалы кітаптар, бедерлі-графикалық құралдар және кіші қалыпты мүсіндер. Кітапханаға жыл сайын 3500 мыңнан аса оқырман келеді. Бұлар көзі көрмейтіндер және әлсіз көретіндер, олардың отбасының мүшелері, сондай-ақ, көзі көрмейтін адамдармен жұмыс бабымен байланысты арнайы мамандар.

Оңтүстік Қазақстан облыстық көзі көрмейтін және әлсіз көретіназаматтарға арналған арнайы кітапхана

Бүгін облыстық арнайы кітапхана облыс бойынша мүмкіндігі шектеулі азаматтарға, оқырмандармен бірге тәжірибелі мамандар оқырмандарға қажетті ақпараттарды тауып беруге әрдайым әзір тұрады. Жыл сайын филиалдар мен кітапхана пункттерінің қызметкерлері облыстық арнайы кітапханада өтетін семинарларда, стажировкаларда өз кәсіби біліктіліктерін көтеріп тұрады. Кітапханада белсенді техникалық модернизация кезеңі жүргізілуде, кітапхана қызметіне компьютерлік технология енгізілген. Дыбыс жазу студиясы үндендірілген кітаптарды шығаруда, ақпаратты басылым бөлімі-брайльша басылымдарды шығару бойынша кітапхананың ерекше мақтанышы болып отыр. Жыл сайын 50 ден аса кітап аталымы осы бөлімдерден шығарылады. Негізінде бұл өлкетану, көркем және белгілі ғылыми әдебиеттер.