Әлемнің үмітіне үрей туғызып, көңіліне қаяу түсіріп, жан әлемін құлазытып тұрған осынау пандемия кезінде "Мәдениет порталы" кішкене болсын жүректерге жылу сыйлағысы келеді. Осы мақсатпен портал ұжымы елге белгілі, өзіндік орыны бар суретшілерге сауын айтып, өздерінің көңілінен шығатын 7 картинасын сұрап, жариялап отырмақ. Еске сала кетейік, бұған дейін суретші бір топ суретші жазған 7 картинаны ұсынған болатынбыз! Бүгінгі суретші - Зура Асылғазы! Мархабат!

Суретші Зура Асылғазы

Суретші Зура Асылғазы Алматы қаласында 30.09.1982 жылы дүниеге келген. 2003 жылы Абай атындағы Алматы Мемлекеттік Педагогикалық Университетін (КазНГПУ) Бейнелеу өнері және сызу мамандығы бойынша аяқтады. 2003 жылдан бері Павлодар қаласында жұмыс істейді. С.Торайғыров университетінің «Сәулет және Дизайн» кафедрасының аға оқытушысы. 2015 жылы Қазақстан Суретшілер одағының мүшесі.

Жыл сайын республикалық, халықаралық симпозиум, пленэр мен көрмелердің қатыушысы.

2011 жылы «Тәуелсіздік өнері» атты республикалық байқаудың регионалды грантының иегері. Алматы қаласы А.Қастеев атындағы музейінде;
2018 жылы «2018жылдың үздік суретшісі» номинация жеңімпазы. Өнер және мәдениет қызметкерлер күнінде Павлодар облысы әкімінің гранты;
2019 жылы  Солтүтік Кипр аралында өткен халықаралық симпозиумының қатысушысы және жеке көрме өткізіп сол елдің «Күміс кілттің» иегері;

Шығармаларының тақырыптары:

Абай Құнанбаевтың «Қансонарда бүркітші шығады аңға» өлеңіне салынған туындылар.
Көне түркілердің (көкбөрінің ұрпақтары) аңызына негізделген жұмыстар мен қазақ мифологиясына негізделген шығармалар салынған.
Қазақ мәдениетінің, әдет-ғұрыптарына негізделген жұмыстар 

1"Күтуде. Абайдың Қансонарда бүркітші шығады аңға өлеңіне" 90х100 холст акрил 2020 ж

2"Көш" 60х80 холст акрил. 2020 ж

3

"Қансонарда бүркітші шығады аңға. Абай Қ өлеңіне" 90х100 холст акрил 2020 ж

4

"Қасқыр айналымы" 150х160 холст акрил 2019 ж

5

"Қансонарда" 90х90 холст акрил 2020 ж

6"Аңыз" 300х210 холст акрил 2019 ж

7"Ұялас" 130х130 холст акрил 2019 ж