Фильмнен үзінді кадрАталған туынды биыл әлемдік деңгейде аталып өтетін әдебиет классигінің туғанына 200 жыл толуына орай түсірілген.

Фильм «ЭМО» қоғамдық қорының тапсырысы бойынша Қазақстан православие шіркеуінің Митрополиттік округінің қолдауымен түсірілген.

Қазақстан православие шіркеуінің басшысы Астана және Қазақстан митрополиті Александрдың айтуынша, Федор Михайлович Достоевский – әлемдегі   шығармалары ең көп мысалға келтірілетін және аударылатын орыс авторларының бірі.

Оның көркемдік мұрасын әдебиеттанушылар талдап, қазіргі оқушылар мен студенттер оқып, зерттеуде. Федор Михайлович киелілікті, философиялық емес, мәңгілік, өмірдің мызғымас заңы болып табылатын және оған адал әрбір адамды рухани өлімнен сақтайтын шындықты іздеуге құштар болған.

Қазақстандық түсірілім тобы жазушының 1854-1959 жылдар аралығындағы өмір жолын барынша қамтуға тырысқан. Достоевскийдің тағдырындағы ең маңызды сәттердің бірі – Семейдегі тұрған жылдарына ерекше назар аударған. Жазушы осы қалада «Дядюшкин Сон», «Село Степанчиково и его обитатели» шығармаларын жазып, «Записки из мертвого дома» туындысын бастаған. Достоевский мен Шоқан Уәлихановпен достығы да фильмде жан-жақты қамтылған.

Достоевскийдің рөлін актер Владимир Беляйкин сомдады. Кейіпкердің бейнесімен жұмыс жасау барысында актер Семейдегі түрмеден босатылғаннан кейінгі өмір Достоевскийді қатайта түскеніне көз жеткізгенін айтады.

Фильмнен үзінді кадрФильмнің түсірілімі Семей, Омск, Санкт-Петербург, Мәскеу қалаларында өткен.

Фильм Бетховен, Моцарт, Абай, Чайковскийдің ұлы музыкалық шығармаларымен сүйемелденеді, Фильмнің сюжеті хореография, пластика және ерекше би формасы – степпен әрленген. Тұсаукесерге келген кино сыншылардың айтуынша, бұл үлкен фестивальдік болашағы бар нағыз авторлық кино. 

Фильмнің тұсаукесеріне танымал кинематографистер, әдебиеттанушылар, мен журналистер қатысты.

Нұрболат АДЫРБЕК