Еркеғали Рахмадиев атындағы Мемлекеттік академиялық филармониясының симфониялық оркестрі Қазақстандағы Испания елшілігімен біріккен кеш өткізді, деп хабарлайды "Мәдениет порталы". 

Екі елдің композиторларының үздік шығармалары орындалған керемет концертте Ғазиза Жұбанованың Мерекелік увертюрасы, Хоакино Родригоның «Aranjuez» гитара мен оркестрге арналған концерті (гитара – Александр Геер), Мануэль де Фальяның «El Amor brujo» балетінен үзінді, сондай-ақ Камиль Сен-Санстың виолончель мен оркестрге арналған № 1 концерті (виолончель – Габриэль Уренья) орындалды. Оркестрдің көркемдік жетекшісі - Берік Батырхан, бас дирижері- Ернар Нұртазин. 

Кештің құрметті қонағы халықаралық байқаулардың лауреаты, астуриялық виолончельші - Габриэль Уренья өзінің дарыны мен қабілетінің арқасында көптеген белестерді бағындырған дарын иесі. Өзіндік орындау ерекшелігімен, табиғи талантымен танымал болып, қазіргі таңда абыройлы, талғамы биік музыкант. Ол Италия, Франция, Швейцария, Германия, Норвегия, Ұлыбритания, Австрия, Литва, Оңтүстік Корея және т.б. елдердің киелі сахналарында солист ретінде өнер көрсетті.

Виолончель тарихындағы маңызды оқиғаның бірі пианист - Патси Айзпиримен бірге «ARIA Classics» дыбыс жазу компаниясымен алғашқы компакт-дискіні шығару болды. Дискіге Сергей Прокофьев, Дмитрий Шостакович, Сергей Рахманиновтың шығармалары, «Orquesta Filarmónica of Málaga» оркестрі, Боготадағы Колон театрындағы Колумбия ұлттық оркестрі концерті, сондай-ақ Сервантес театрындағы «Málaga Clásica» фестивалі кезіндегі өнер көрсетулері енген.

Кештің тағы бір қонағы, Халықаралық байқаулардың лауреаты – Александр Геер гитарада өз өнерін көрсетті. Гитара – Испанияның мәдени музыкалық символдарының бірі. Испан композиторлары осы аспапқа арналған әлемдік жауһарларды жарыққа шығарған. Бұл шығармаларды тыңдармандарға жеткізе білу, Геердің шынымен нағыз талант екенін байқатады.

Кешке келген Испания Корольдігінің Қазақстан Республикасындағы Төтенше және өкілетті елшісі Хорхе Урбиола тыңдаушыларды түрлі елдердің музыкалық мәдениетімен таныстыратын және музыканттардың шығармашылық тәжірибе алмасуына ықпал ететін осындай іс-шараларды өткізудің маңыздылығын атап өтті. Ол «18 қараша күні таңғажайып «Классикалық музыка кеші» ұсынылды. Мұндай концерттер мәдениет саласындағы Қазақстан және Испан қарым-қатынасының одан әрі дамып, нығаюына ықпал етеді» - деп ұйымдастырушылармен артистерге алғысын жеткізді.

Өз кезегінде филармонияның бас директоры Ерлан Дакенов «Көрермендер асыға күткен «Классикалық музыка кеші» отандық және шетелдік музыканттардың Қазақстан Тәуелсіздігінің 30 жылдығына үлкен тартуы болды» - деп айта келе, астуриялық виолончельші Габриэль Уреньяның концертке қатысуын және дарынын жеке атап өтті: 

madeniportal.kz