28 желтоқсан күні сағат 11.00-де «QAZAQSTAN» жеңіл атлетикалық спорт кешенінде ҚР Ұлттық құрамаларына арнайы спорттық құрал-жабдықтары мен мамандандырылған киім-кешектерді табыстау рәсімі өтеді. Заманауи жабдықтарды сатып алу жаңа нормаларды бекітудің, сондай-ақ қосымша қаражат бөлудің арқасында мүмкін болды. Аталған жұмыс Парижде өтетін 2024 жылғы Олимпиада ойындарына дайындық аясында жүргізілуде.

Рәсім барысында Синхронды жүзу спортшылары үшін Oceanears атты портативті синхронды дыбыс жүйесі, ал семсерлесушілер үшін арнайы аппарат, катушкалар және семсерлесу жолдары беріледі. Үстел теннисіне – кәсіпқой ракеткалар.Таеквондо, дзюдо мен күрес түрлеріне – арнайы киімдер, кимоно мен күрес аяқ-киімдері.Бұл қатарда пара спорттың өкілдері де назардан тыс қалған жоқ. Қысқы спорт түрлері, пара дзюдошылар да өздеріне қажет құрал-жабдықтарын алады.

Сонымен қатар нысана көздеу спорт түрлері - садақ ату, стенд ату, оқ атудан арнайы қару-жарақтар сатып алынды. Жаңа пневматикалық винтовкалар, тапаншалар, оқтар, садақтар мен жебелер, арнайы киім-кешектер спортшыларға табысталады.

Шараға Мәдениет және спорт министрі Дәурен Абаев, ҚҰҚ бас бапкелері және танымал спортшылар қатысады.

Өтетін уақыты: 28 желтоқсан, сағат 11:00.

Өтетін орны: «QAZAQSTAN» жеңіл атлетикалық спорт кешені, Тұран данғылы, 59

Аккредитация бойынша:  Спортты дамыту дирекциясының қоғаммен байланыс бөлімінің басшысыАян Төлеген +7 702 838 44 66