Алтын өндіретін Бестөбеде ер адам шахтада көз жұмды

ашық дереккөз

ЖАҢАЛЫҚТАР
167

Ақмола облысының Бестөбе кентінде заңсыз пайдалы қазба өндіру кезінде қайғылы оқиға болды. Күзетілетін нысан аумағына рұқсатсыз кірген ер адамды шахтада опырылған тау жыныстары басып қалып, ол оқиға орнында көз жұмды, деп хабарлайды MadeniPortal.kz.

Алдын ала мәлімет бойынша, ер адам күзетілетін өндірістік нысанның аумағына заңсыз кіріп, шахтаға түскен. Сол жерде тау жыныстары опырылып, ер адам үйінді астында қалған.

Алған жарақаттарының салдарынан ол оқиға орнында қаза тапқан.

Ақмола облыстық полиция департаменті ер адамның қаза болғанын растады.

Полицияның мәліметінше, аталған дерек бойынша қылмыстық іс қозғалған.

Қазіргі уақытта тергеу амалдары жүргізіліп жатыр. Құқық қорғау органдары оқиғаның барлық мән-жайын, соның ішінде ер адамның шахтаға қалай кіргенін және тау жыныстарының опырылу себептерін анықтауда.

Марқұмның жеке басына қатысты мәліметтер әзірге жарияланған жоқ.

Айта кетейік, Бестөбе кенті алтын өндіру орындарымен танымал. Алайда бұл оқиғада нақты қандай пайдалы қазба өндірілгені ресми түрде нақтыланбаған.

Шоу-бизнес

Қазақстандық актер Аян Өтепберген Испанияда өткен халықаралық кинофестивальде “Үздік актер&rdq...

СПОРТ

Алматыда 955 мың тұрғын спортпен тұрақты айналысады. Қаладағы тегін жобалар, марафондар мен өзге де...