Астанадағы базарлардың бірінде заңсыз алкогольдің ірі партиясы тәркіленді

Бүгін «Дала Қырандары» жастар қоғамдық бірлестігі контрафактілік алкогольге қарсы көпжылдық суррогат науқанын өткізді, деп хабарлады MadeniPortal.kz.

Белсінділер Астана қаласында "Ұлжан" әмбебап базарындағы сауда нүктелерінің бірінен ірі көлемде заңсыз алкогольды тәркіледі. Оқиға орнына жергілікті полиция бөлімшенің қызметкері келіп жетті. БІрден істің мән-жайын анықтап, хаттама толтырылды.  Акцияның нәтижесінде көлемі 160 литр құрамында спирті бар қауіпті өніп тәркіленді.

«Дала Қырандары» жастар белсенділері суррогат өнімдерін таратудың ірі арналарын анықтау мен бұғаттауға бағытталған республикалық акцияны жалғастырып келеді. Енді қырандардың (ұйым мүшелерінің) басты назарында жекелеген дүкен сөрелері емес, көтерме жеткізу тізбектері болмақ.

Заңсыз алкоголь мен шығыны белгісіз, арзан суррогат өнімдері Қазақстан қоғамы үшін әлі де жасырын, бірақ өте қауіпті қатер болып қала бермек. Контрафактінің қолжетімділігі өсіп келе жатқан ұрпаққа тікелей соққы болып тиіп, жастарды ерте жастан масқұмарлыққа жетелейді және олардың өмірін қатерге тігеді. Мәселенің ауқымдылығы бөлшек саудадағы ұсақ заң бұзушылықтарды жай ғана тіркеп қоюды емес, осы контрафактілік өнімдер тонналап келіп түсетін үй іргесіндегі дүкен сөрелерінің заңсыз арналарын жүйелі түрде бұғаттауды талап етеді.

Сондай-ақ бұл акция Астана қаласынан бөлек Өскемен қаласында да өтті.

Қырандардың үйлесімді әрі жедел әрекеттерінің нәтижесінде Астана қаласында көлемі 160 литр, ал Өскемен қаласында 205 литр болатын шығу тегі белгісіз, құрамында спирті бар қауіпті өнімнің ірі партиясы анықталды. Табылған барлық қолдан жасалған тауарлар сараптама жүргізу және заң бұзушыларды жауапкершілікке тарту үшін құқық қорғау органдарына жедел түрде өткізілді.

Бұл науқанның басты мақсаты — ең алдымен ұлт саулығын қорғау. Қоғам белсенділері қазақстандықтарды, әсіресе жастарды өмірге аса қауіпті суррогат өнімдерін тұтынудан арашалап, отбасыларды контрафакті кесірінен болатын қайғылы жағдайлардан сақтап қалуды көздейді.