“Бәйдібек пен Нүрила таксиде жолықты": Тарихи таныстық желі қолданушыларын тәнті етті

Әлеуметтік желі қолданушысы парақшасында басынан өткен ерекше оқиғасын баяндады, деп хабарлайды MadeniPortal.kz.

Нұрилла есімді божеткен Бәйдібек деген жігітті кезіктіргенін жазды.

Бұл жазба желі қолданушыларын тәнті етті. Тіпті, жеке пабликтер оның жазбасын көшіріп алды.

"Не деген тарихи кездесу?”, “Қандай ғажап”, “Ерекше оқиға болыпты”, “Кемет қой”, деп жазды желідегілер.

Бәйдібек Қарашаұлы (VІ— VII ғасырлар аралығы) — Жетісу алабындағы көшпелі тайпалар көсемі, ақыл-парасатымен, ерлік істерімен елге ұйытқы болған тарихи тұлға.

Бәйдібек жалпақ жатқан Жетісуды, Арыс өзенінің шұрайлы алқаптарын, Қаратау мен Ташкент алабын қоныс етіп, ондағы ру-тайпалардың бас біріктіруіне, ел болып ұйысуына ықпал еткен.

Шежіре деректеріне сүйенсек, Бәйдібек қазақ елінің үш ұлы бірлестігін құраған Байшора, Жаншора, Қарашора (басқа бір деректерде Ақарыс, Бекарыс, Жанарыс деп аталады) болса, үш жүздің Байшорасынан, ұрпағы кең тараған Майқы, оның баласы Бақтиярдан, оның баласы Үйсіннен, оның баласы Ақсақалдан туған Қарашаның үлкен баласы.

Ел аузында Бәйдібек бабаның некелеп алған үшінші жары Нүриланың Қыдыр дарып, бақ қонған асыл текті Домалақ анаға айналғаны туралы шежірелі әңгімелер көп сақталған.

Бәйдібек Қарашаұлы қазіргі Бәйдібек би елді мекенінде дүниеден өткен. Сүйегі Балабөген өзенінің жағасында жерленген.

 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Тіл кеспек жоқ (@tilkespekjoq)