«Баламның денесі әлі жылы еді»: Жамбыл облысында оқушының өлімінен кейін әкесі жанайқайын айтты

Жамбыл облысында Бота Мойнақ ауылында тағы бір оқушы көз жұмды. Қайғыдан қан жұтқан ата-ана ұлдары Миятбек Ерсейітті жоғары сынып оқушылары соққыға жыққанын айтып отыр, деп хабарлады MadeniPortal.kz.

Жақындарының сөзінше, жасөспірім қатарластарының емес, өзінен үлкен оқушылардың әлімжеттігіне тап болған. Ата-ана баласының өліміне осы жағдай себеп болды деп есептейді және оқиғаның барлық мән-жайы жан-жақты зерттеліп, кінәлілер жауапқа тартылуын талап етіп отыр.

Әкесі Ертай Қонысбаев оқиға орнына жеткен сәтін былай еске алады:

Ол сол күні бірнеше баланың соққыға жығылғанын айтып, болған жағдайды жасөспірімдер арасындағы әлімжеттікпен байланыстырады. Ауыл тұрғындары да футбол алаңына жастар жиі жиналатынын, үлкендердің кішілерді «тәрбиелейтіні» туралы әңгіме барын айтқан. Бірақ бұл нұсқа әзірге ресми түрде расталмаған. 

Марқұмның анасы Айгүл Абзалиева да пікір білдірген. Оның айтуынша, жерлеу рәсімінен кейін күдікті жасөспірімнің әкесі, туыстары мен ауыл ақсақалдары олардың үйіне келіп, кешірім сұраған.

Ал Байзақ аудандық білім бөлімінің басшысы Құралай Өскембекова оқиғаның сабақтан тыс уақытта болғанын нақтылаған. Оның сөзінше, қазір жасөспірімдер мен ата-аналар арасында профилактикалық жұмыстар күшейтіліп, таңғы және кешкі рейдтер ұйымдастырылып жатыр. Мектептерде ата-аналар жиналыстары мен сынып сағаттары өткізіліп, полиция және кәмелетке толмағандар ісі жөніндегі инспекторлар тартылған