“Компанияның ешкімге қарызы жоқ” — Азамат Үсімбеков “VD Stroy Engineering” дауына қатысты үлкен сұхбат берді

Кейінгі уақытта Азамат Үсімбеков басқаратын “VD Stroy Engineering” компаниясы түрлі даулы оқиғалардың ортасында жиі аталып жүр. Соның бірі — журналист Ботагөз Омароваға қатысты қозғалған қылмыстық істің не себепті ушыққаны туралы мәселе, деп хабарлайды MadeniPortal.kz.

Бұл жағдай журналистің компанияға қатысты жасаған жарияланымдарынан кейін туындаған.

Ботагөз Омарова жұмысшылардың мәселесін көтеремін деп жүріп, қалайша өзі кәсіпкермен арадағы даудың ортасында қалды? Азамат Үсімбеков “VD Stroy Engineering”-ке қатысты айтылған сын мен журналистке байланысты жағдай туралы не дейді? Кәсіпкер бұл жөнінде Ulysmedia-ға берген сұхбатында пікір білдірген.

Айта кетейік, аталған компанияның мердігерлерге ақы төлемегені туралы әңгіме қоғамда біраз уақыттан бері айтылып келеді. Сол субмердігерлер журналист Ботагөз Омароваға шағымданған. Алайда кейін оқиғаның өрбуі журналистің өзін айыпты етіп көрсеткендей әсер қалдырды.

Бұл жағдайдың қалай басталғаны және журналистпен қашан таныс болғаны туралы Азамат Үсімбеков былай дейді:

Кәсіпкердің айтуынша, компанияға қатысты әлеуметтік желіде тараған айыптауларға нақты дәлелдер келтірілмеген. Азамат Үсімбеков барлық қаржылық құжаттар мен келісімшарттардың құқық қорғау органдары мен сотқа ұсынылғанын айтып, компания қызметінің заң аясында жүргізілгенін мәлімдеді.

Сұхбат барысында журналист кәсіпкерден: «Кездесіп, мән-жайды түсіндіргеннен кейін де жарияланымдар жалғаса берген соң, ренжідіңіз бе?» – деп сұраған.

Бұл сұраққа Азамат Үсімбеков:

Сондай-ақ кәсіпкердің айтуынша, журналистпен жеке кездесуде Ботагөз Омарова видеоларды өшіретінін айтып, кешірім сұраған.

Алайда Азамат Үсімбековтің сөзінше, осыдан кейін де жарияланымдар жалғаса берген.

Сонымен қатар Азамат Үсімбеков өз кәсіптерінің айналасында туындаған дауларға байланысты Remstroy компаниясы мен журналист Ботагөз Омароваға қатысты сотқа шағым түсіргенін айтты.

Қозғалған қылмыстық іс бойынша кімнің уәжі дәлелді екені алдағы уақытта белгілі болады.