Мемлекет басшысы: «Қазақстан мен Ресей – өзара сенімді, уақыт тезінен өткен стратегиялық серіктестер әрі одақтастар»

ашық дереккөзден алынған

ЖАҢАЛЫҚТАР
308

Мемлекет басшысы Қасым-Жомарт Тоқаев Ресейде іскерлік сапары жалғасуда, деп хабарлады MadeniPortal.kz.

"Біздің елдеріміздің тарихи тамыры, өткені мен құндылықтары ортақ. 
Қос халықтың достығы – тағдырдың жазуы.

Барлық деңгейде сенімді диалог жүргізудің арқасында Қазақстан-Ресей ынтымақтастығының мән-мазмұны ұдайы толығып келеді.

Екі елге ортақ әлемдегі ең ұзын құрлық арқылы өтетін шекара – халықтарымыздың мәңгілік достығы мен тату көршілік қарым-қатынасының айғағы.

Орайлы сәтті пайдаланып, Форум қызметіне және барлық салада өзара ынтымақтастығымызды нығайтуға әрдайым назар аударып, қолдау көрсеткені үшін Ресей Президентіне алғыс айтамын.

Бірге күш-жігер жұмылдыру арқылы алға қойған мақсаттарымызға жететінімізге сенімдімін», деді Президент.