Оқу-ағарту бірінші вице-министрі Наталья Жұмаділдаева өмірден озды

Фото: gani.beisembayev парақшасынан

ЖАҢАЛЫҚТАР
403

Оқу-ағарту бірінші вице-министрі Наталья Жұмаділдаева қайтыс болды. Қаралы хабарды инстаграм әлеуметтік желісінде оқу-ағарту министрі Ғани Бейсембаев таратты, деп хабарлайды madeniportal.kz.

 

Бүгін әріптесіміз, ҚР оқу-ағарту бірінші вице-министрі Наталья Жұмаділдаеваның өмірден озғаны туралы қаралы хабарды естіп, қабырғамыз қайысып отыр, - деп жазды министр.

Наталья Жұмаділдаева еңбек жолын бастауыш сынып мұғалімі болып бастаған. Әр жылдары мектеп директоры, Қызылорда қалалық білім бөлімі басшысының орынбасары, Парламент мәжілісінің VI шақырылымының депутаты болды.

Оқу-ағарту министрлігінің мектепке дейінгі білім департаментін басқара отырып ол мектепке дейінгі және орта білім беруді дамытуға елеулі үлес қосты. 2023 жылдың қыркүйегінен бастап оқу-ағарту бірінші вице-министрі қызметін атқарған. Марқұм биылғы 29 наурызда 60 жасқа толар еді.

Ол білім жүйесін жетілдіруге және балалардың сапалы білім алуына қолайлы жағдай жасауға ерекше назар аударды, – деп жазды Ғани Бейсембаев. 

ЖАҢАЛЫҚТАР

Ақтөбе облысындағы Қобда ауданының ауыл жолын су шайып кетті, деп хабарлады Мadeniportal.kz. Бұл ту...

ЖАҢАЛЫҚТАР

Шымбұлақ маңында қар көшкіні болып, бір адам қаза тапты. Төтенше жағдай Комсомол шыңы аймағында болғ...