Қарағандыда күйеуі әйелін туған қызының тойында өлтірген

Қарағандыда қылмыстық істер жөніндегі арнайы сот азаматтық некедегі серігін өлтірген ер адамға 18 жыл қатаң режимдегі жазаны тағайындады, деп хабарлады Мadeniportal.kz.

Бұл туралы SMARTNEWS.KZ басылымы жазды. Оқиға туралы Patriot басылымы жазды. Қанды оқиға Сортировка шағынауданында болған. Ер адам мен әйел бірнеше жыл бірге тұрған. 25 маусымда әйел қызының тойына үсті-басы көгеріп келген. Туыстары бұл жарақатты сотталушының соққысынан болды деп отыр. 

Сол күні түнде ол үйіне оралғаннан кейін аз уақыттан соң полиция оны ауыр жарақатпен тапқан. Дәрігерлер әйелді аман алып қала алмады. Марқұм жедел жәрдем көлігінде жан тапсырған. Іс материалдарына қарағанда, әйел түнгі екілер шамасында үйге кірген, үш сағаттан кейін қызына оның қаза тапқаны туралы хабар жеткен. Той күні қыз үшін анасының қазасымен тұспа-тұс келді. Сотталушы тергеу кезінде өз әрекетін «өз-өзін қорғау» деп түсіндіруге тырысқан. Айтуынша, әйелі тойдан кейін оның үстіне тап берген. Бірақ сотқа ұсынылған дәлелдер бұл нұсқаны жоққа шығарды. Тергеу ер адамның оқиға ізін жасырмақ болғанын да анықтады. Полиция жеткенде жәбірленуші әлі тірі болған. Дереу жедел жәрдем шақырылғанымен, ауыр жарақат оны құтқаруға мүмкіндік бермеді. Ер адам апелляцияға шағым түсіріп, өзін-өзі қорғағанын қайта алға тартуда. Ал марқұмның қызы, керісінше, жазаны күшейтуді сұрайды. Ол анасының ұзақ жылдар бойы жүйелі зорлық көргенін айтады.