Қазақстанда шығарылатын көліктер қазақ тілінде сөйлей ме?

Алматыда «Астана Моторс» және Motrex бірлескен кәсіпорны - Kazakhstan Mobility Engineering зауыты ашылды, ол қазақ тілі интеграцияланған автомобильдерге арналған мультимедиялық жүйелерді шығарады, деп хабарлайды madeniportal.kz el.kz тілшісіне сілтеме жасап. 

Өнеркәсіп және құрылыс министрлігінің мәліметінше, мұндай жүйелердің бірінші партиясы Tucson, Elantra және Palisade модельдеріне орнату үшін Hyundai Trans Kazakhstan зауытына келіп түсті. Енді Қазақстанда шығарылатын Hyundai автомобильдері қазақ тіліндегі интерфейсті ұсына отырып, жергілікті пайдаланушылардың қажеттіліктеріне жақсырақ жауап бере алады.

Ашылу салтанатына өнеркәсіп және құрылыс министрі Қанат Шарлапаев, Motrex компаниясының CEO ДжунСон Ким, «Астана Моторс»  негізін қалаушы Нұрлан Смағұлов және компанияның басқа да өкілдері қатысты.

Қанат Шарлапаев қазақ тілін автомобильдерге арналған мультимедиялық жүйелерге интеграциялау зауыт үшін маңызды қадам екенін атап өтті. Джунсон Ким жаңа зауыт жергілікті нарықты қолдап ғана қоймай, Қазақстан мен Оңтүстік Корея арасындағы табысты ынтымақтастықтың үлгісі болатынын айтты.

2025 жылы Алматыда Kazakhstan Mobility Engineering-те шығарылған қазақ интерфейсі бар мультимедиялық жүйелерді пайдаланатын мультибрендтік зауыт іске қосылады. Бұл жүйелер қазақстандық автокөлік жүргізушілеріне технологияларды ана тілінде пайдалануға мүмкіндік береді, бұл автомобильдерді жергілікті нарық үшін одан да тартымды етеді.