Қысқы универсиада. Ел қоржынына алғашқы алтын медаль түсті

ЖАҢАЛЫҚТАР
1138


Вадим Куралес

Қазақстандық биатлоншы Вадим Куралес Лэйк-Плэсид (АҚШ) қаласында өтіп жатқан қысқы универсиаданың чемпионы болды.

Вадим Куралес 15 шақырым қашықтықта жекелей сында мәре сызығын бірінші болып қиды.

Жарыс жолына 16-ыншы болып шыққан Вадим нысана көздеуден бір ғана рет (0+1+0+0) мүлт кетіп, 42:37.4 минут нәтиже көрсетті.

Норвегиялық биатлоншы Эрьян Мосенг қазақстандықтан 42,6 секундқа қалып қойып, екінші орынға ие болды. Франциялық Аксель Гарнье (+1:16.5) үздік үштікті түйіндеді.

Қазақстандықтардан бүгін сондай-ақ Александр Мухин, Кирилл Бауэр және Бекентай Тұрлыбеков осы қашықтықта сынға түскенімен, олар жүлдеге іліге алмады.

Осылайша, Қазақстан қоржынына алғашқы жүлде – алтын медаль түсті.

Бұдан бұрын қысқы универсиадада мәнерлеп сырғанаудан қазақстандық жұп 10-орын алған болатын.


ҚазАқпарат

ЖАҢАЛЫҚТАР

Алматы қалалық ТЖД Медеу ауданында Жәнібеков көшесінде салынып жатқан үй өртенгенін мәлімдеді, деп х...

PESTEL

Korea JoongAng Daily басылымы, Оңтүстік Кореяның Сохэан автомагистралінде Қазақстанның 4 азаматы мін...