«Шетелдік әншілерге барыңдар!»: Қайрат Нұртас сын айтқан блогерге жауап берді

Танымал әнші Қайрат Нұртас Шымкентте өткен концертінде болған жағдайды сынаған блогердің жазбасына пікір білдірді. Өнер иесі оның айтқан сөздерін орынсыз деп бағалады, деп хабарлады MadeniPortal.kz.

Бұған дейін әлеуметтік желіде бір блогер Қайрат Нұртастың Шымкенттегі концертіне қатысқанын айтып, көрермендердің әрекетін сынға алған болатын.

Оның сөзінше, концерт кезінде адамдар арасында қатты қысым мен дүрбелең туындаған. Кейбір көрермендер бір-біріне айқайлап, шаштарынан тартып, тіпті өзгелерді таптап өте жаздаған. Блогер концертте адамдар қаза тапқаны туралы тараған ақпараттың жалған екенін де атап өтті. Алайда оның айтуынша, бірнеше көрермен медициналық көмекке жүгінген. Сондай-ақ оқиғадан кейін 18 жастағы қыздың ауруханада қалғанын мәлімдеді.

Жазба авторы көпшілікті концертке жұмсаған күш-қуатын білім алуға, кітап оқуға, спортпен шұғылдануға және театрға баруға бағыттауға шақырған. Алайда блогердің бұл пікірі Қайрат Нұртасқа ұнамаған. Әнші жазбаның астына қысқа әрі өткір пікір қалдырды.

Осылайша, әнші өз концертіндегі көрермендердің әрекетін сынаған блогерге ашық жауап берді.

Айта кетейік, бұған дейін Шымкент полициясы Қайрат Нұртастың концертіне қатысты жалған ақпарат таратқан әйелдің анықталып, оған қатысты материалдардың сотқа жолданғанын хабарлаған болатын.

 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Айгали Тойжан (@aigalium)