Сотқа арбамен келіп арбасыз кетті: Гүлнәр Бажкенова 8 жылға сотталды (ВИДЕО)

Алматыда Orda.kz интернет-басылымының бұрынғы бас редакторы Гүлнәр Бажкеноваға қатысты сот үкімі шықты. Сот оны компания қаражатын жымқыру, салық төлемеу және көрінеу жалған ақпарат тарату фактілері бойынша кінәлі деп танып, 8 жылға бас бостандығынан айырды, деп хабарлады MadeniPortal.kz.

14 жасқа толмаған баласының болуына байланысты жазаны өтеу екі жылға кейінге қалдырылды. Сонымен қатар Бажкеноваға 5 жыл бойы БАҚ, журналистика, блог жүргізу және қоғамдық қызмет салаларында жұмыс істеуге тыйым салынды. Ол материалдық залал мен өзге де сот шығындарын өтеуге міндеттелді.

Сот отырысынан кейін Гүлнәр Бажкенованың денсаулық жағдайына қатысты жайт қоғам назарын аударды. Бұған дейін сот процесі оның денсаулығының күрт нашарлағанын айтуына байланысты кейінге шегерілген. Алайда шақырылған жедел жәрдем қызметкерлері шұғыл ауруханаға жатқызуға негіз жоқ деген қорытынды жасаған.

Келесі сот отырысына Бажкенова мүгедектер арбасымен жеткізілген. Дәрігерлер тексеруден кейін оның жағдайын қанағаттанарлық деп бағалап, сот процесіне қатысуына медициналық кедергі жоқ екенін мәлімдеген.

Желіде тараған бейнеге сәйкес сот отырысы аяқталғаннан кейін Бажкенова ғимараттан өздігінен, бөгде адамның көмегінсіз шығып кеткен. Бұл жағдай куәгерлердің назарын аударған.

Сот үкімі әзірге заңды күшіне енген жоқ.

 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от STEPPE (@steeppe_kz)