АҚШ-тың CNN және басқа да ең ірі телеарналары Трампқа бойкот жариялады

Телевизиялық пул мүшелері Трамппен бірге кезектесіп жүріп, оның Ақ үйдегі іс-шараларын таспаға түсіреді. Олар бұл шаралардан алынған бейнематериалдарды, фотосуреттерді, аудиожазбалар мен дәйексөздерді басқа БАҚ өкілдерімен бөлісуге келіседі.

Мұндай тәжірибе АҚШ-та Франклин Делано Рузвельт президенттігінен бері, яғни 100 жылға жуық уақыт бойы қолданылып келеді. Пул репортерлері президент Джон Ф. Кеннедидің қазасы және 11 қыркүйектегі террорлық шабуылдар сияқты тарихи оқиғалардан тікелей трансляцияларды қамтамасыз еткен.

Дүйсенбі күні ротациялық принцип бойынша Трамптың БҰҰ Бас Ассамблеясына қатысуын дәл осы CNN телеарнасының журналистері көрсетуі тиіс болатын. Пулдың өзге мүшелері бұл шарада CNN-ді алмастырмайтынын мәлімдеді. Осылайша, тәуелсіз БАҚ-тар президенттің Нью-Йорктегі қызметі туралы тікелей бейнематериалдар тарату мүмкіндігінен іс жүзінде айырылды.

Бұған дейін 19 қыркүйекте АҚШ президенті Дональд Трамп CNN, MS NOW және Politico сияқты ірі БАҚ-тарды жалған жаңалықтар таратты деп айыптап, олардың Ақ үйге кіруіне дереу тыйым салатынын жариялаған болатын.

Кейіннен журналистеріне Ақ үйге кіруге тыйым салынған үш БАҚ Трампқа және оның үш жетекші кеңесшісіне қарсы сотқа арызданатындарын мәлімдеді.