Астанада ТМД-ға қатысушы елдердің шығармашылық және ғылыми зиялы қауымының ХІІІ форумы өтуде

Астанада шығармашылық және ғылыми зиялы қауымының ХІІІ форумы аясында Елбасы Нұрсұлтан Әбішұлы Назарбаев пен Ресей Федерациясы президентінің  форумға қатысушыларға арналған алғы сөзі оқылды.

Мемлекеттік хатшы Гүлшара Әбдіқалықова Қазақстан Республикасының Президенті Нұрсұлтан Назарбаевтың форумға қатысушыларға арналған құттықтау сөзін оқып берді, Елбасы осы форумның Астананың 20 жылдық мерейтойы қарсаңында өтіп жатқаны маңызды екенін атап өтті.

«Рухани жаңғыру» бағдарламасын жүзеге асыра отырып, бәсекеге қабілеттілікті, прагматизмді, ұлттық бірегейлікті сақтауды, білімнің салтанат құруын, эволюциялық дамуды және сананың ашықтығын қазақстандық ұлтты дамытудың негізгі басымдықтары ретінде белгіледік. Жаһандық әлем жағдайында бұл әмбебап құндылықтар әр халыққа жақын әрі түсінікті» – делінген Елбасының құттықтауында.

Ресей Президентінің алғы сөзін президенттің халықаралық мәдени ынтымақтастық жөніндегі арнаулы өкілі Михаил Швыдкой оқып берді.

«Астана қаласында бас­тау алған ТМД-ға мүше мемлекеттердің ХІІІ ғылыми-шығармашылық интеллигенциясының форумы көтеріп отырған мәселелер достастық елдеріндегі интеграциялық үдерістерді дамыту­ға қызмет етеді. Форум жылдар бойы Тәуелсіз мемлекеттер достастығы шеңберінде өткізілетін гуманитарлық тақырыптағы маңызды шаралардың біріне айналды. Ол ғылым, мәдениет, өнер және білім саласының өкілдері, журналистер мен публицистер арасында бейресми, қызықты қарым-қатынас орнатуға үлкен мүмкіндіктер бере отырып, өзінің сұранысқа ие екендігін және барынша тиімділігін толық дәлелдеді»- деп атап өтті Путин форумның қатысушыларына. 

Мәдениет және спорт министрі Арыстанбек Мұхамедиұлы  форумның маңыздылығын ерекше атап өтті, атап айт­қанда, мәдениетаралық диалогты қалып­тастыру арқылы тиімді ынтымақтастық тетіктерін қалыптастырып және жаңаларын белгілеу керектігін айтты.

Алғаш рет форум аясында «Достастық жұл­дыздары» ТМД-ның бас­ты мемле­кет­аралық сыйлығының лауреат­тарын марапаттау салтанаты өтті.

Мем­ле­­кет­аралық сыйлығын иегерлері 7 мемлекеттің  белгілі тұлғалары: азербайжандық филолог Наргиз Пашаева, беларусьтық биатлоншы Дарья Домрачева, қызғыз әдебиеттанушысы Абдылдажан Акматалиев, молдовалық физик Ион Бостон, ресейлік музыкант Юрий Башмет, армян композиторы Степан Шакарян және тәжік ақыны Низом Касим. Қазақстан тарапынан  сегізінші болып, лауреат иегері атанған  музыкант, педагог, қоғам қайраткері, Қазақ ұлттық өнер университетінің  негізін қалаушы және ректоры, Халықаралық шығармашылық академиясының академигі Айман Мұсақоджаева.

«Достастық жұлдыздары» сыйлы­ғын 2009 жылы ТМД-ға қатыс­у­шы мемлекеттердің гуманитар­лық ынтымақтастығының мемлекетара­лық қоры тағайындаған. Бұл ТМД мем­лекеттерінің өкілдеріне, әлемдік жетістіктер дәрежесіне сай келетін, ТМД-ға қатысушы елдер­дің әр­қай­с­ысының және жалпы достас­тық­тың дамуына ықпал ететін гуманитар­лық қызмет саласындағы ең маңызды жетіс­тіктері үшін жыл сайын таға­йын­да­лады.

Аталмыш форум үшінші рет Астананың төрінде өтіп жатқаны  Елордамыздың бейбітшілік және келісім орталығына айналғанын дәлелдейді деп атап өтты форумға қатысушы ТМД мемлекеттерінің өкілдері.

Форумды ұйымдастырушылар Мемлекет­аралық гума­нитарлық ынтымақтастық қоры (МГЫҚ), Қазақстан Республикасының Мәдениет және спорт министрлігі­ жә­не Қазақ ғылыми-зерттеу инсти­туты (ҚазҒЗМИ).