Белгілі «Яшлык» ансамбліне 50 жыл толды

Еліміздің музыка тарихында ерекше орны бар «Яшлық» вокалды-аспаптық ансамблінің құрылғанына биыл 50 жыл толды.

Мерейлі датаға орай «Яшлық» ансамблі Республика сарайында екі күн қатарынан дүркіретіп концерт берді. Концертке «Дос-Мұқасан» тобы арнайы келіп, жылы лебізін білдірді.

«Яшлык» ансамблі 1974 жылы құрылған. Ұлттық музыканы халық аспаптарымен үйлестіріп, жаңа өңдеумен ұсына білген топ бірнеше мәрте халықаралық байқаулардың жеңімпазы атанды.

Іс-шараға «Дос-Мұқасан» ансамблі, Қазақстанның халық әртісі Роза Рымбаева, Қазақстанның еңбек сіңірген қайраткерлері Дильназ Ахмадиева мен Әлішер Кәрімов, әнші және композитор Парвиз Назаров, сондай-ақ «Яшлык» ансамблінің қазіргі құрамы мен қазақстандық және ұйғыр эстрадасының жұлдыздары қатысты.

Концертте ансамбльдің 70–80 жылдардағы хиттері мен танымал әндердің заманауи өңделген нұсқалары орындалды.

Өнер ұжымына Мемлекет басшысы Қасым-Жомарт Тоқаевтың атынан ықылас гүлі табыс етілді.

#яшлықтобы #50жыл