Қайрат Нұртас: "Бармасаң, аяғыма жығыл деді"

Астанада Қайрат Нұртасқа қатысты баптар бойынша сот процесі басталды әншінің өзі сотқа онлайн қатысып, өзін жәбірленушімін деп жариялады, деп жазады madeniportal.kz тілшісі stan.kz сілтеме жасап.

Сотта Әкімшілік құқық бұзушылық кодексі 434-бабының 2-бөлігі ("Ұсақ бұзақылық бір жыл ішінде қайталап жасалған") және 73-бабының 1-1-бөлігі ("Денсаулыққа қасақана жеңіл зиян келтіру") бойынша іс қаралды.

Сот барысында процесске Қайрат Нұртастың ресми өкілі болып інісі Аян Нұртас пен анасы Гүлзира Айдарбекова қатысып отыр. 

"Мен ұрған жоқпын, әуелі мені соққыға жықты", – деп жауап берді Қайрат Нұртас. Әртіс Қайрат Нұртас қарсы арызды өзі бермекші деп отыр. Ол жанжалдың неден басталғанын айтып берді.

"Мені досым тойға шақырды. Тойға бара алмаймын дедім. Ол неге келмейсің деп боқтап, басымнан екі рет ұрды. Мен де оны ұрдым. Сосын тыныш отырдым. Бірақ артымнан келіп тағы ұрды. Болғаны осы. Тәртіпті бұзған жоқпын. Мен жәбірленушімін.

Ол екеуміз дос болғанбыз. Төртінші шілдеде тойға шақырды. Мен барудан бас тартып, балағат сөздер айттым. АОл бармасаң, аяғыма жығыл деді. Сосын мені басымнан алып, бірінші болып ұрды. Сосын мен де ұрдым. Бірақ тәртіпті бұзған жоқпын. Бұл жерде жәбірленуші менмін. Ол бірінші бастады. Мені ұрғаннан кейін ғана ұрдым. Жарақатты бәріміз алдық, ең бастысы тыныш отырдық қой. Ұшақта кездесіп қалған кезде, мені бірінші ұрды. Менде қарап тұрмай, оны да бір-екі рет ұрдым. Бұл жөніндегі кінәмді толығымен мойындаймын", — деді Қайрат Нұртас.

Гүлзира Айдарбекованың айтуынша, Аслан есімді ер адаммен баласы екеуі бұрыннан жақын таныс әрі дос екенін мәлімдеді. Анасы баласына сот тарапынан сұрақтар қоймауын талап етті.

Ал Аслан есімді жәбірленуші өз тарапынан мән-жайдың қалай болғанын айтып берді.

Асланның айтуынша, бортсерік Қайратты емес, оны жібермей ұстап отырған.

Сотқа әншінің анасы Гүлзира Айдарбекова екі жақта бір-біріне кешірім беру керек екенін айтты.

Қайрат Нұртастың анасы ұлына айыппұл салуды сұрайды. Гүлзира Айдарбекова жанжалға ұлы да, жәбірленуші де кінәлі деп санайды. Ол ұлына қамауға алудың орнына әкімшілік айыппұл салуды сұрайды. Әншінің гастрольдік сапарлары бар.